Category: Digwyddiadau

Bydd Hybu Cig Cymru (HCC) yn cynrychioli Cig Oen Cymru PGI yn Foodex Japan 2026, sy’n cael ei gynnal yng Nghanolfan Arddangos Tokyo Big Sight rhwng 10-14 Mawrth. Bydd HCC yn bresennol fel rhan o ddirprwyaeth Bwyd a Diod Llywodraeth Cymru, gan gryfhau presenoldeb Cymru mewn un o’i marchnadoedd byd-eang pwysicaf.  Mae Japan yn dal i fod ymhlith tair marchnad premiwm ryngwladol i HCC ac yn parhau’n flaenoriaeth ar gyfer datblygiad strategol. Dros y flwyddyn ddiwethaf, mae presenoldeb brand Cymru wedi tyfu’n sylweddol, gyda gwerthiant Cig Oen Cymru yn cynyddu flwyddyn ar ôl blwyddyn.  Bydd y cogydd Cymreig a Dirprwy Lywydd Cymdeithas Goginio Cymru, Colin Gray, yn paratoi samplau o Gig Oen Cymru fel rhan o gynnig ehangach o fwyd Cymreig, gan gyflwyno ansawdd, blas a tharddiad Cig Oen Cymru i brynwyr o Japan. 

Roedd Cig Oen Cymru yn serennu mewn nifer o ddigwyddiadau tramor i ddathlu Dydd Gŵyl Dewi, yn cynnwys derbyniad yn Hong Kong, cinio yn y Llysgenhadaeth Brydeinig yn Dubai gyda golwython cig oen wedi’u coginio gan y Chef Russel Impiazzi, ac un o brif ddigwyddiadau Gŵyl Ddewi Ewrop a gynhaliwyd ym Mrwsel. Mae’r digwyddiad pwysig yn y Breswylfa Brydeinig ym Mrwsel yn croesawu tua 250 o westeion adnabyddus, yn cynnwys unigolion o sefydliadau Ewropeaidd, rhwydweithiau rhanbarthol, y sector masnach a buddsoddi, academia, Cymry ar wasgar, a sefydliadau partner allweddol.   Cynhaliwyd digwyddiad coginio arall yn y breswylfa Brydeinig yn Rhufain a ddaeth a nifer o gynrychiolwyr sefydliadol, unigolion o’r cyfryngau a chynrychiolwyr o’r sector breifat ynghyd. Roedd bwydlen y noson yn daith drwy flasau, symbolau a straeon Cymru a hynny i gyfeiliant cerddoriaeth Gymreig. Fe gafodd Cig Oen Cymru, a gyflenwyd gan HCC, ei weini fel y prif gwrs gyda dau bryd gan gogydd seren Michelin: lwyn Cig Oen Cymru PGI mewn crwst, a prosciutto Cig Oen Cymru PGI gyda finegr balsamig a mwstard. Yn wir, mae’r ail bryd yn addas ar gyfer y Teulu Brenhinol – fe’i crëwyd i’w hanrhydeddu ac fe gafodd ei weini am y tro cyntaf i’r Brenin Charles III yn 2009, ac eto yn 2025. 

Mae’r paratoadau ar y gweill ar gyfer cynhadledd Bord Gron y Bridwyr Defaid: Datrysiadau bridio mewn byd sy’n newid – digwyddiad a gynhelir bob yn ail flwyddyn ar gyfer y diwydiant defaid.   Fe’i gynhelir dros dri diwrnod yng nghanolbarth Lloegr rhwng 20-22 Tachwedd 2026. Anogir unrhyw un â diddordeb yn y sector defaid i fynychu ac elwa o’r trafodaethau diddorol ar heriau a chyfleoedd y dyfodol, yn ogystal â gwybodaeth a chyngor ymarferol.   Bydd y datblygiadau diweddaraf mewn geneteg a’u heffaith ar y gadwyn gyflenwi’n cael eu hystyried, yn ogystal â phynciau eraill yn cynnwys proffidioldeb, cynaliadwyedd, iechyd, yr amgylchedd a lleihau carbon.   Os hoffech chi ymuno â HCC fel noddwr i’r digwyddiad, mae mwy o wybodaeth a rhaglen ddrafft ar gael ar y we: Sheep Breeders Round Table 2026 | AHDB  

Bydd corff ardoll cig coch Cymru, Hybu Cig Cymru (HCC), yn mynychu sioe fasnach enwog Gulfood a gynhelir yn Dubai rhwng 26-30 Ionawr i hyrwyddo Cig Oen Cymru PGI i gynulleidfa fyd-eang. Bydd gan HCC bresenoldeb yn Neuadd Gig Gulfood yn ogystal ag ar stondin Llywodraeth Cymru  yn y Pafiliwn Rhyngwladol – gan sicrhau presenoldeb … Continued

Bydd tîm Hybu Cig Cymru (HCC) yn y Ffair Aeaf yn Llanelwedd wythnos nesaf, ac yn edrych ymlaen at gael cwmni cigyddion, ysgolorion a bocsiwr proffesiynol! Mae rhaglen brysur o ddigwyddiadau wedi’i chynllunio i arddangos nodweddion unigryw cig coch Cymru a sut y gellir ei fwynhau dros y Nadolig. Bydd trelar coginio HCC, a fydd … Continued

Mwynhaodd prynwyr ac allforwyr cig o bob cwr o’r byd y cyfle i flasu Cig Oen Cymru a Chig Eidion Cymru yn ffair fasnach Anuga yn yr Almaen fis diwethaf. Roedd presenoldeb HCC yn y digwyddiad yn gynhyrchiol; cynhaliwyd cyfarfodydd niferus gyda chwsmeriaid presennol, a gwnaed cysyllytiadau gyda chwsmeriaid newydd a ymatebodd yn ffafriol i … Continued

Bydd Cig Oen Cymru PGI a Chig Eidion Cymru PGI yn cael eu cyflwyno i brynwyr a mewnforwyr rhyngwladol wrth i gorff ardoll cig coch Cymru, Hybu Cig Cymru (HCC), baratoi i fynychu sioe fasnach bwyd a diod enwog – Anuga. Fe’i cynhelir yn Cologne rhwng 4 ac 8 Hydref, a bydd HCC yn mynychu’r … Continued

Dinas Naples yn yr Eidal oedd cyrchfan ddiweddaraf Cig Oen Cymru. Fe ymddangosodd mewn digwyddad preifat a drefnwyd gan un o brif archfarchnadoedd canolbarth a de y wlad. Mae gan y manwerthwr tua 500 o siopau ac fe gynhaliwyd yr arddangosfa o gynnyrch amrywiol ar gyfer eu rheolwyr, yn cynnwys y rhai sy’n gyfrifol am … Continued

O ymgynghori gyda’r diwydiant i goginio gyda defnyddwyr, bydd gan Hybu Cig Cymru (HCC) raglen brysur o ddigwyddiadau yn Sioe Frenhinol Cymru eleni (dydd Llun 21 – dydd Iau 24 Gorffennaf 2025). Bydd presenoldeb HCC yn rhan bwysig o’r gwaith ymgysylltu ar Gweledigaeth 2030 – dogfen strategol bwysig sy’n gosod cyfeiriad y sefydliad ac yn … Continued

Bydd Cig Oen Cymru PGI a Chig Eidion Cymru PGI yn cael sylw yn y farchnad Americanaidd wrth i gorff hyrwyddo cig coch Cymru, Hybu Cig Cymru (HCC), baratoi i arddangos yn Sioe Fwyd Ffansi’r Haf Efrog Newydd. Ynghyd â Llywodraeth Cymru, bydd HCC yn arwain cynrychiolwyr o Dunbia a Kepak yn Sioe Fwyd Ffansi’r … Continued