Bu gr\u0175p o arbenigwyr o\u2019r diwydiant yn cyfarfod am y tro cyntaf yn Aberystwyth yr wythnos hon ar \u00f4l cael eu penodi\u2019n aelodau o weithgor newydd, sef y Gweithgor Arloesi ac Ymchwil Cynaliadwy.<\/p>\n
Cafodd deuddeg unigolyn eu dewis, gyda\u2019r nod o gefnogi ac arwain Hybu Cig Cymru (HCC) ym meysydd arloesi, ymchwil a datblygu mewn perthynas \u00e2 chynaliadwyedd sector cig coch Cymru.<\/p>\n
Dan gadeiryddiaeth Aelod o Fwrdd HCC, y ffermwr cig eidion a defaid, Emlyn Roberts, mae arbenigedd y gr\u0175p yn amrywio o dir glas, iechyd pridd a bioamrywiaeth i systemau da byw, iechyd anifeiliaid a geneteg, ynghyd \u00e2 phrofiad o gadwyni cyflenwi cynaliadwy.<\/p>\n
Bydd dyletswyddau\u2019r gr\u0175p yn cynnwys cynnal ymagwedd gyfannol at gynaliadwyedd ar gyfer holl agweddau cynhyrchu cig coch yng Nghymru; rhannu gwybodaeth am ddatblygiadau, gweithgareddau ac ymchwil newydd; rhagweld cyfleoedd ar gyfer cynaliadwyedd; a chynghori ynghylch y posibilrwydd o gydweithio strategol addas.<\/p>\n
Dywedodd Pennaeth Cynaliadwyedd a Pholisi\u2019r Dyfodol yn HCC, Rachael Madeley-Davies a oedd yn bresennol yn y cyfarfod cyntaf ar 27 Chwefror: \u00a0\u201cMae HCC wedi ymrwymo i leihau effaith cynhyrchu a phrosesu cig coch Cymru ar yr hinsawdd, yr amgylchedd a gwastraff. Blaenoriaeth arall yw cyfrannu at wneud y diwydiant yma yng Nghymru yn fwy proffidiol a chynaliadwy. Gyda hynny mewn golwg, sefydlwyd y gr\u0175p newydd hwn i gefnogi\u2019r gwaith o gyflawni ein dogfen strategol \u2018Gweledigaeth 2025\u2019 sy\u2019n amlinellu\u2019r blaenoriaethau, y cyfleoedd a\u2019r heriau allweddol ar gyfer y sector cig coch.<\/p>\n
\u201cCawsom ddechrau gwych gyda chyfarfod cadarnhaol iawn. Cafwyd trafodaeth frwd am gynaliadwyedd y sector, gan rannu syniadau adeiladol i\u2019w wella er mwyn diogelu ei ddyfodol. Bydd y sgwrs hon yn parhau o fewn HCC ac edrychwn ymlaen at weithio gyda\u2019r gr\u0175p dros y misoedd nesaf.\u201d<\/p>\n
Aelodau\u2019r Gweithgor yw:<\/p>\n