Mae ymgyrch aml-lwyfan a oedd yn ceisio gwneud pobl yn fwy ymwybodol o frand Cig Oen Cymru PGI wedi bod yn llwyddiannus dros ben i Hybu Cig Cymru (HCC).<\/p>\n
Roedd yr ymgyrch, \u2018Unigryw i Gymru. Arbenigwyr yn eu maes\u2019 yn defnyddio lleisiau aelodau o\u2019r gymuned amaethyddol yng Nghymru.\u00a0 Rhoddodd sylw i fywydau tri ffermwr o wahanol rannau o’r wlad, a fu\u2019n s\u00f4n am dreftadaeth amaethyddol a\u2019u hymroddiad wrth gynhyrchu bwyd maethlon o ansawdd uchel.<\/p>\n
Y tri dan sylw oedd\u00a0 Emily Jones o Ben-uwch, Ceredigion, Alwyn Phillips o Fethel, Caernarfon a Ben Williams o Ben-tyrch, ger Caerdydd. Hefyd, cafodd hysbyseb deledu ei ffilmio ar fferm Ken a Lisa Markham yn Llanfihangel-y-Pennant yng Ngwynedd.<\/p>\n
Roedd eu hanesion yn canolbwyntio\u2019n benodol ar eu hymdrechion i fod yn fwy cynaliadwy a ffermio mewn cytgord \u00e2\u2019u hamgylchedd naturiol. Dywedodd Ben Williams, sy\u2019n ffermio Fferm Garth, ychydig y tu allan i Gaerdydd, gyda\u2019i frawd Ethan: \u201cMae ffermio a gofalu am y tir o\u2019n cwmpas drwy ddulliau cynaliadwy yn talu\u2019n \u00f4l yn yr hirdymor. Mae\u2019n fuddsoddiad bach ar gyfer gwobr dros dymor hir iawn.\u201d<\/p>\n
Gyda Ben ac Ethan yn dal yn eu hugeiniau ac yn cynrychioli dyfodol y diwydiant, mae ffermio cynaliadwy a chaniat\u00e1u i\u2019r ffermwyr eu hunain adrodd eu stori, a chael mwy o gysylltiad \u00e2\u2019r defnyddiwr, yn bwysig iawn. \u201cRwy\u2019n meddwl mai\u2019r peth rwy\u2019n ei fwynhau fwyaf am ffermio yw gwella\u2019r ffordd rydyn ni\u2019n cynhyrchu ein bwyd flwyddyn ar \u00f4l blwyddyn \u2013 a hynny mewn ffordd gynaliadwy. Dylai’r ddau beth hyn fynd law yn llaw bob amser.<\/p>\n
\u201cRwy\u2019n credu bod angen cael mwy o gysylltiad rhwng y ffermwr a\u2019r defnyddiwr. Rwy\u2019n meddwl y dylai ffermwyr allu adrodd eu stori \u2013 mae llawer i\u2019w ddweud \u2013 fel y gall pobl werthfawrogi\u2019r cysylltiad rhwng cynhyrchu cig, cynaliadwyedd a chymuned. Rydw i wir yn credu bod gan ffermio ddyfodol disglair.\u201d<\/p>\n
Roedd yr ymgyrch, a fu\u2019n rhedeg rhwng Awst a Hydref 2023, yn defnyddio cymysgedd o hysbysebion teledu a dulliau mwy tactegol, megis hysbysebion yng nghyffiniau siopau allweddol lle’r oedd y cynnyrch ar gael.<\/p>\n
Cyrhaeddwyd dros dair miliwn o ddefnyddwyr targed ,a chafwyd ychydig o dan 24 miliwn o argraffiadau ledled Cymru a Lloegr. Yn ogystal, gwelwyd cynnydd dramatig mewn ymweliadau \u00e2\u2019r we, gydag ychydig dros 230,000 o bobl yn ymweld \u00e2’r safle dros y cyfnod o dri mis.<\/p>\n
Golygodd hyn oll y bu cynnydd sylweddol o 26% mewn ymwybyddiaeth o\u2019r brand a chynnydd o 7% yn nifer y rhai a oedd am brynu Cig Oen Cymru. Ar ben hyn, o ganlyniad i hysbysebu wedi’i dargedu mewn lleoliadau allweddol, gwelwyd cynnydd o 10% yn nifer y cwsmeriaid a fu\u2019n ymweld\u00a0 \u00e2 siopau m\u00e2n-werthwr mawr yn Lloegr a oedd yn gwerthu\u2019r cynnyrch.<\/p>\n
Elfen allweddol o lwyddiant yr ymgyrch oedd hysbyseb deledu a ffilmiwyd ar fferm Ken a Lisa Markham, ac a oedd yn dangos eu diadell o ddefaid Mynydd Cymreig yn pori\u2019r gweiriau naturiol ar Gader Idris.<\/p>\n
I Lisa, roedd yn wych gweld eu ffordd o fyw yn cael ei werthfawrogi mewn cartrefi ar draws y DG.\u00a0 Meddai: \u201cMae\u2019n rhaid i ni ffermio mewn ffordd naturiol, fel y gwnaeth ein cyndeidiau am ganrifoedd. Mae ein h\u0175yn yn byw ar y glaswellt naturiol \u2013 maen nhw\u2019n pesgi\u2019n naturiol \u2013 felly rydyn ni wir yn gweithio mewn cytgord \u00e2\u2019n hamgylchedd naturiol.<\/p>\n
\u201cNid yn unig rydyn ni\u2019n helpu i gynnal y tirweddau syfrdanol o hardd sydd yng Nghymru, ond mae ffermwyr hefyd yn hanfodol i\u2019r economi wledig ac yn cefnogi swyddi lleol. Mae’n wych ein gweld yn chwarae mwy o ran yn helpu i werthu ein cynnyrch. Gobeithio y bydd defnyddwyr yn deall ychydig mwy am ein stori unigryw, a\u2019n rhan hanfodol yng nghyfansoddiad y wlad.\u201d<\/p>\n
Dywedodd Swyddog Gweithredol Ymgyrchoedd HCC, Philippa Gill: \u201cMae gan Gig Oen Cymru stori anhygoel i\u2019w hadrodd, a thu \u00f4l i’r cynnyrch premiwm mae ein ffermwyr. Maen nhw\u2019n arbenigwyr yn eu maes, ac felly maen nhw wedi chwarae\u2019r rhan ganolog yn yr ymgyrch hon Buom yn canolbwyntio ar y bobl sy’n cynhyrchu ein bwyd a thynnu sylw at y rhinweddau unigryw Cymreig, sydd wedi creu argraff dda ar y defnyddwyr.<\/p>\n
\u201cRoedd\u00a0 gan ffermwyr Cymru ran allweddol yn yr ymgyrch, wrth iddyn nhw adrodd hanes treftadaeth gyfoethog, gwaith caled a hunaniaeth ddiwylliannol, a byddwn nawr yn adeiladu ar lwyddiant yr ymgyrch yn y flwyddyn i ddod.\u201d<\/p>\n
Ychwanegodd Pennaeth Marchnata Strategol a Chysylltiadau HCC, Laura Pickup: \u201cMae gan Gig Oen Cymru a\u2019n ffermwyr gysylltiad hanfodol \u00e2\u2019r amgylchedd a bioamrywiaeth ac maen nhw\u2019n chwarae rhan flaenllaw o ran cynhyrchu bwyd maethlon a chynaliadwy.\u00a0 Yn y flwyddyn i ddod byddwn yn parhau i adrodd y stori hon, gan adeiladu ar lwyddiant anhygoel yr ymgyrch.\u201d<\/p>\n","protected":false},"excerpt":{"rendered":"