Mae cig coch, fel rhan o ddiet cytbwys ac iach, yn hanfodol \u2013 dyna\u2019r neges allweddol gan gadeirydd Hybu Cig Cymru, Catherine Smith, ar drothwy Diwrnod Iechyd y Byd (dydd Sul 7 Ebrill 2024).<\/p>\n
Mae\u2019r diwrnod, sy\u2019n cael ei arwain gan Sefydliad Iechyd y Byd (WHO), yn canolbwyntio eleni ar \u2018Fy iechyd, fy hawl\u2019 gan bwysleisio bod hawl miliynau o bobl ledled y byd i iechyd yn dod dan fygythiad cynyddol.<\/p>\n
O\u2019i fferm yn Sir Fynwy, mae Cadeirydd HCC, Catherine Smith, yn rhoi sylw i\u2019r rhan sydd gan gig coch i\u2019w chwarae mewn diet cytbwys: \u201cMae gan bobl ar draws y byd yr hawl i fwyd maethlon a chynaliadwy. Er bod anghenion maethol ein cyrff yn amrywio ac yn newid drwy gydol ein bywydau, mae’n hanfodol ein bod, drwy\u2019r adeg, yn gofalu am ein cyrff er mwyn iechyd a hapusrwydd.<\/p>\n
\u201cY ffordd symlaf o fyw yn iach yw bwyta amrywiaeth o wahanol fwydydd, ac mae cig coch yn un math o fwyd a all ein helpu i ddiwallu yr haearn, potasiwm, magnesiwm, sinc, Fitaminau B a Fitamin D drwy gydol ein hoes.\u201d<\/p>\n
Yn llawn dop o\u2019r fitaminau a\u2019r mwynau hanfodol hyn, gall diet cytbwys gyda chig coch heb lawer o fraster ein helpu i gadw\u2019n heini ac iach, waeth beth yw ein hoed. Gall bwyta hyd at 500g o gig coch wedi’i goginio bob wythnos fod yn ganolog i ddiet iach a chytbwys.<\/p>\n
\u201cO\u2019i fwyta yn y meintiau cywir, mae cynnwys cig coch yn eich diet yn dod \u00e2 llawer o fanteision iechyd i bobl o bob oed, gan gynnwys haearn sy\u2019n helpu i leihau blinder, fitaminau B sy\u2019n cynhyrchu egni, a sinc sy\u2019n helpu\u2019r system imiwnedd i weithio\u2019n normal,\u201d ychwanegodd.<\/p>\n
Mae cig coch hefyd yn cynnwys ffosfforws, sydd ei angen ar gyfer twf normal a datblygiad esgyrn plant, ac mae hefyd yn llawn protein. Mae\u2019n ddelfrydol mewn pryd wedi\u2019i dro-ffrio er enghraifft, ar \u00f4l sesiwn yn y gampfa, i’ch helpu i ddadebru, i ddatblygu cyhyrau ac i deimlo’n llawn egni.<\/p>\n
\u201cMae bwyta Cig Oen Cymru a Chig Eidion Cymru blasus fel rhan o ddiet iach a chytbwys yn ffordd ragorol o wneud yn si\u0175r eich bod yn cael yr hyn sydd ei angen arnoch ar gyfer iechyd da \u2013 fel y bwriadwyd gan natur,\u201d ychwanegodd Catherine.<\/p>\n","protected":false},"excerpt":{"rendered":"