Mae ychwanegu 11 rhywogaeth newydd o laswellt a meillion at y rhestr a argymhellir wedi\u2019i groesawu gan Hybu Cig Cymru. Y bwriad o\u2019u cynnwys yw gwneud tir glas yn fwy cynhyrchiol, ar adeg pan fo costau cynhyrchu yn bryder o\u2019r mwyaf i ffermwyr da byw. Drwy ddefnyddio hadau sydd ar y Rhestr a Argymhellir, gall ffermwyr wneud y defnydd gorau o borthiant ar y fferm, a gall hyn yn ei dro helpu i leihau costau porthiant a gwella effeithlonrwydd.<\/p>\n
Mae\u2019r\u00a0 rhywogaethau a gafodd eu hychwanegu at y Rhestr swyddogol o Laswellt a Meillion a Argymhellir (RGCL) yn cynnwys dau rygwellt Eidalaidd, chwe rhygwellt lluosflwydd, dau fath o faglys ac un rhywogaeth ffestwloliwm.<\/p>\n
Dywedodd Dr Heather McCalman, Swyddog Gweithredol HCC\u00a0 ar gyfer Ymchwil a Datblygu a Chynaliadwyedd: \u201cMae yna fanteision mawr drwy ddewis y\u00a0 rhywogaethau diweddaraf o laswellt a meillion sy’n cynnig y nodweddion gorau megis cnwd, treuliadwyedd, a thwf tymhorol oherwydd buddsoddiad sylweddol gan fridwyr planhigion i wella effeithlonrwydd, gwydnwch a chynhyrchiant.<\/p>\n
\u201cGall ffermwyr Cymru ddefnyddio\u2019r llawlyfr rhagorol hwn i wneud y gorau o\u2019r amrywiaeth o rywogaethau sydd ar gael a dewis cymysgeddau i ddiwallu anghenion eu da byw. Boed yn ddefaid sy\u2019n pori neu\u2019n laswellt ar gyfer silwair aml-doriad, mae yna rywogaeth i bob pwrpas.\u201d<\/p>\n
Gall yr RGCL helpu ffermwyr i ddeall nodweddion perfformiad gwahanol rywogaethau, megis cynnyrch, perfformiad parhaus, ansawdd ac ymwrthedd i glefydau, ynghyd \u00e2 dewis y rhai sy\u2019n addas ar gyfer eu system ffermio nhw.<\/p>\n
Mae\u2019r broses drylwyr o ddethol ar gyfer rhywogaethau newydd o laswellt yn sicrhau eu bod yn ddibynadwy ac yn perfformio\u2019n dda.\u00a0 Mae pob rhywogaeth newydd yn cael chwe blynedd o brofion annibynnol ar draws safleoedd treialu\u2019r DG, gan asesu cyfanswm y cynnyrch blynyddol, twf tymhorol, cynnyrch ynni metaboladwy, caledwch yn y gaeaf, a gwrthsefyll clefydau.\u00a0 Mae ailasesiad, ar \u00f4l pum mlynedd ychwanegol o dreialon, yn penderfynu a ddylid argymell bod rhywogaeth \u00e2 statws amodol (PG\/PS) yn cael ei mabwysiadu’n ddiamod (G).<\/p>\n
Mae rhaglen dreialu\u2019r Rhestr a Argymhellir ar gyfer Glaswellt a Meillion (RL) yn cael ei rheoli gan NIAB ar ran y BSPB, gyda safleoedd treialu ledled y wlad yn cael eu rhedeg gan NIAB, IBERS, DLF, DSV a safleoedd clefyd sy\u2019n cael eu rhedeg gan NIAB a Barenbrug. Mae’r rhestrau’n adeiladu ar ddata cychwynnol y treialon Rhestru Rhywogaethau Cenedlaethol (sydd hefyd yn cael eu rheoli gan NIAB ar ran y BSPB i APHA), sy’n cynnwys safleoedd sy’n cael eu rhedeg gan AFBI, SRUC a SASA.<\/p>\n
Caiff rhaglen dreialu\u2019r Rhestrau a Argymhellir ei hariannu, drwy\u2019r BSPB, gan fridwyr ac asiantau planhigion, gyda chyfraniadau gan yr AHDB a HCC.<\/p>\n
Dywedodd Ellie Sweetman, Arbenigwr Cnydau Porthiant yn NIAB a Chydlynydd Treialon RGCL ar ran BSPB:\u00a0 \u201cI gael lle ar yr RGCL, rhaid i rywogaethau gynnig gwelliant clir i\u2019r rhestr bresennol.\u00a0\u00a0 Mae hyn yn gwthio’r safon i fyny drwy\u2019r amser gyda chynnyrch cynyddol, defnyddio maetholion yn effeithlon a chynnyrch EM yr hectar, gan gynyddu effeithlonrwydd cynhyrchu a chynaliadwyedd.\u00a0\u00a0 Bydd ailhadu gyda rhywogaethau RGCL yn cynyddu perfformiad y tir glas ac yn rhoi elw da i\u2019r buddsoddiad.\u00a0 Trwy ddarparu data annibynnol cywir, mae’r RGCL yn hwyluso penderfyniadau gwybodus o ran dewis rhywogaethau a chymysgeddau ar gyfer amodau penodol ffermydd ac anifeiliaid.<\/p>\n
\u201cYn ogystal \u00e2 gwybodaeth am rywogaethau, mae\u2019r RGCL yn cynnig cyngor technegol i ffermwyr ar ail-hadu er mwyn gwneud tir glas mor gynhyrchiol \u00e2 phosibl.\u201d<\/p>\n","protected":false},"excerpt":{"rendered":"