Mae gostyngiad yn niferoedd y diadelloedd a ffermydd yng Nghymru bellach yn achosi pryder gwirioneddol ac, oni chaiff ei atal, gallai achosi \u201cdifrod anadferadwy\u201d i\u2019r diwydiant da byw, meddai Cadeirydd Hybu Cig Cymru (HCC) wrth annerch cynulleidfa o\u2019r diwydiant ddydd Llun (22ain) yn y Sioe Frenhinol.<\/p>\n
Yn y digwyddiad brecwast blynyddol, dywedodd Cadeirydd HCC, Cath Smith: \u201cByddai unrhyw grebachu pellach yn niferoedd y da byw yn niweidio ein diwydiant i raddau na ellid ei adfer. Nid yw\u2019n or-ddweud y gallai colli mwy o ffermydd cynhyrchiol fod yn drychinebus i\u2019n sector.\u201d<\/p>\n
Tynnodd sylw at y ffaith fod y rhwydwaith o 20,000 o ffermydd\u00a0 cig coch teuluol yng Nghymru yn sail i economi, cymunedau, diwylliant ac iaith ein gwlad.<\/p>\n
\u201cGyda\u2019n gilydd, rydym yn gynhyrchydd enfawr o gynnyrch gwirioneddol wych \u2013 ond rhaid i chi sylweddoli hefyd fod y diwydiant hwn ar groesffordd bwysig. Ni allaf bwysleisio\u2019n ddigon cryf pa mor hanfodol yw hi i ni ddiogelu ein niferoedd presennol.\u201d<\/p>\n
Dywedodd fod effeithiau economaidd allanol eisoes wedi bod yn ddylanwad, ac aeth yn ei blaen i ddweud: \u201cMae\u2019r m\u00e0s critigol i lawr ledled Cymru; mae\u2019r data diweddaraf yn awgrymu bod cyfanswm y defaid ac \u0175yn ar ffermydd Cymru yn 8.7 miliwn \u2013 sydd saith y cant yn is na\u2019r niferoedd a gofnodwyd y flwyddyn flaenorol. Roedd nifer yr \u0175yn yng Nghymru yn ystod yr un cyfnod, sef 4.1 miliwn, i lawr ddeg y cant o gymharu \u00e2\u2019r flwyddyn flaenorol.<\/p>\n
\u201cMae ein m\u00e0s critigol o niferoedd y ffermydd a da byw yn sicrhau ein bod ni\u2019n gallu rhoi digon o gig coch GI o\u2019r safon uchaf yn y siopau ac ar fyrddau bwyd teuluoedd ledled y DG \u2013 ac, wrth gwrs, ledled y byd.\u201d<\/p>\n
\u201cMae pob gwerthiant allforio yn bwysig, oherwydd mae\u2019n helpu i gael y cydbwysedd carcas sy\u2019n hanfodol i gael y gwerth gorau ar gyfer pob anifail cig oen neu gig eidion a gynhyrchir yng Nghymru.\u00a0 Mae hefyd yn diogelu\u2019r prisiau uwch sydd eu hangen arnom ar gyfer enillion ein ffermydd a goroesiad economaidd.<\/p>\n
\u201cNid yw\u2019n frawychus dweud, pe na bai marchnadoedd allforio yn prynu toriadau nad ydynt mor boblogaidd yn y DG, ni fyddai\u2019r farchnad gartref yn gweithio,\u201d meddai Cath Smith.<\/p>\n
M\u00e0s critigol cynhyrchiant diwydiant cig coch Cymru \u2013 a\u2019i weithgarwch bywiog o ran allforio \u2013 oedd y colofnau deuol y \u201cmae\u2019n rhaid inni eu cadw\u2019n gryf os ydym am ddiogelu dyfodol ffermio ein cenedl \u2013 ac roedd y ddau yn dibynnu\u2019n helaeth ar eu sylfeini amddiffynnol, sy\u2019n cynnwys cryfder cyfunol adnoddau, profiad ac arbenigedd HCC \u2013 a sicrwydd darpariaeth.\u201d<\/p>\n
Dywedodd\u00a0 fod HCC, mewn 21 mlynedd, wedi esblygu o fod yn syniad gwych i fod yn sefydliad gwych a\u2019i fod wedi gwneud gwahaniaeth diamheuol ac amlwg i ffermio. \u201cGyda\u2019n gilydd rydym wedi adeiladu system gymorth i\u2019r gadwyn gyflenwi sydd yn effeithlon, yn gryf ac yn gost-effeithiol dros ben.<\/p>\n
Diolchodd ymhellach i staff HCC am eu gwaith rhagorol, gan ddweud: \u201cMae eu ffocws, eu penderfyniad, eu hymroddiad a\u2019u diwydrwydd wedi cynhyrchu canlyniadau a chyflawniadau syfrdanol. Gyda chefnogaeth Llywodraeth Cymru, gyda phrofiad ein staff a chynllun strategol ein diwydiant, bydd HCC yn ymdrechu i greu newid a\u2019ch cynorthwyo chi i adeiladu diwydiant cig coch cryf, gwydn a chynaliadwy ar gyfer y dyfodol.\u201d<\/p>\n","protected":false},"excerpt":{"rendered":"