Mae diet a maeth sy\u2019n cynnwys cig coch yn chwarae rhan hollbwysig mewn beichiogrwydd \u2013 dyna oedd neges allweddol Hybu Cig Cymru (HCC) i dros 500 o fydwragedd yn ddiweddar yng Ng\u0175yl Mamolaeth a Bydwreigiaeth Cymru a De Orllewin Lloegr.<\/p>\n
Roedd y digwyddiad yng Nghaerfaddon ar 17 Medi, yn canolbwyntio ar ddatblygiad proffesiynol bydwragedd drwy gyfrwng sgyrsiau, seminarau ymchwil, cyfleoedd i rwydweithio ac arddangosfeydd.\u00a0 Bu HCC yn ymgysylltu \u00e2 bydwragedd i wneud yn si\u0175r bod negeseuon yn ymwneud \u00e2 chig coch o ran iechyd a maeth yn cyrraedd gweithwyr iechyd proffesiynol, mamau beichiog a theuluoedd ifanc<\/p>\n
Yn y digwyddiad, rhannodd HCC ei adnoddau diweddaraf ar gig coch sydd yn seiliedig ar dystiolaeth\u00a0 ar gyfer gweithwyr iechyd proffesiynol, yn ogystal \u00e2 gwybodaeth, cyngor a syniadau am ryseitiau iach a chytbwys i\u2019w rhannu \u00e2 chydweithwyr, cleifion a theuluoedd.<\/p>\n
Dywedodd Elwen Roberts, Swyddog Gweithredol HCC ar gyfer y Defnyddwyr: \u201cRoeddem yn falch iawn o allu ymgysylltu \u00e2 bydwragedd fel rhan o\u2019n gwaith yma yn HCC. Mae gweithio gyda gweithwyr iechyd proffesiynol wedi bod yn elfen allweddol o\u2019n strategaeth erioed ac mae bydwragedd yn darparu cymorth a chyngor mor amhrisiadwy i deuluoedd mewn cymunedau ar hyd a lled y wlad.<\/p>\n
\u201cGyda hynny mewn golwg, roeddem am achub ar y cyfle i gyfleu negeseuon yn seiliedig ar dystiolaeth ynghylch cig coch a maeth sy\u2019n berthnasol i fydwragedd a\u2019u cleifion. Mae diet a maeth yn chwarae rhan allweddol yn ystod beichiogrwydd ac mae cig coch heb lawer o fraster fel Cig Oen Cymru a Chig Eidion Cymru yn ffynhonnell dda o brotein, sinc, haearn, magnesiwm a fitaminau B.\u201d<\/p>\n
Ychwanegodd Elwen: \u201cMae menywod beichiog mewn perygl mawr o beidio \u00e2 chael digon o haearn, a gall hyn arwain at flinder, gwendid a mynd yn groendenau. Ond mae ffynonellau haearn sy\u2019n deillio o anifeiliaid \u2013 fel Cig Oen Cymru a Chig Eidion Cymru \u2013\u00a0 yn cynnwys haearn hem sy\u2019n cael ei amsugno\u2019n haws gan y corff ac sy\u2019n gallu helpu\u2019r corff i amsugno haearn o ffynonellau sy\u2019n seiliedig ar blanhigion fel sbigoglys neu frocoli.\u201d<\/p>\n
Dywedodd Julie Richards, Cyfarwyddwraig Coleg Brenhinol y Bydwragedd: \u201cRydym i gyd yn ymwybodol o bwysigrwydd diet iach a chytbwys, ond gyda swyddi prysur, ymrwymiadau teuluol ac amser cyfyngedig, gall gwireddu hyn weithiau ymddangos yn amhosib. Y newyddion da yw y gall gwneud rhai newidiadau bach, syml i\u2019r ffordd rydym yn siopa, yn coginio ac yn bwyta helpu i ffitio bwyta\u2019n iach i mewn i ddiwrnod gwaith prysur.<\/p>\n
\u201cMae\u2019r wybodaeth a\u2019r adnoddau sy\u2019n cael eu darparu gan Hybu Cig Cymru yn ddefnyddiol i fydwragedd oherwydd maen nhw wedyn yn gallu trafod y pwnc gyda menywod beichiog a\u2019u teuluoedd. Yn ogystal, maen nhw\u2019n gallu rhannu syniadau sydd, gydag ychydig o flaengynllunio ymlaen llaw, yn profi y gall pryd o fwyd cyflym roi llond bol o fwyd blasus sydd hefyd yn iachus.\u201d<\/p>\n","protected":false},"excerpt":{"rendered":"