Mae nifer o gyfleoedd newydd yn aros am Gig Oen Cymru yn y farchnad Fwslimaidd ryngwladol a domestig, yn \u00f4l arbenigwr o\u2019r diwydiant a gyflwynodd i gynrychiolwyr o sector amaeth Cymru yng nghynhadledd flynyddol ddiweddar Hybu Cig Cymru (HCC) yn Llanelwedd.<\/p>\n
\u201cGan edrych ar y Deyrnas Unedig yn unig, mae 3.9m o Fwslemiaid ac mae ein hymchwil yn awgrymu bod 80 y cant ohonynt yn bwyta cig oen oleiaf unwaith yr wythnos,\u201d meddai Dr Awal Fuseini, Uwch Reolwr Sector Halal y Bwrdd Datblygu Amaethyddiaeth a Garddwriaeth (AHDB).<\/p>\n
\u201cMae hynny\u2019n cymharu \u00e2 chwech y cant o bryniannau unwaith-yr-wythnos gan y cyhoedd yn y DU. Wrth i\u2019r defnydd o gig oen leihau yn gyffredinol ymysg y cyhoedd, mae\u2019n cynyddu o fewn y gymuned Fwslimaidd – felly gallwch weld bod y drws ar agor i gynyddu gwerthiant cig oen.\u201d<\/p>\n
Soniodd am y prif farchnadoedd Mwslimaidd – o\u2019r gwledydd Ewropeaidd – Ffrainc yn bennaf – UDA a Theyrnas Saudi Arabia: \u201cHeblaw am gael eu tan-ecsbloitio hyd yn hyn gan gynnyrch o Brydain sydd wedi\u2019i allforio, mae\u2019r marchnadoedd yma i gyd yn tyfu mewn maint.\u201d<\/p>\n
Dywedodd bod angen \u201ccymryd y farchnad yn y Dwyrain Canol o ddifrif. Mae\u2019n farchnad bremiwm. Maen nhw\u2019n talu mwy am y cig gorau na gwledydd eraill \u2013 mewn rhai achosion, deirgwaith yn fwy.\u201d<\/p>\n
Teimla Dr Fuseini bod cyfleoedd di-oed ar gael yn y farchnad ddomestig. \u201cMae hynny oherwydd bod gan broseswyr yn y DU y cyfle i fanteisio i\u2019r eithaf o\u2019u helw achos mae gan y cwsmer Mwslimaidd ddiddordeb mewn cynnyrch o bob rhan o\u2019r carcas,\u201d meddai. Yn ogystal, nododd nifer o wyliau crefyddol Mwslimaidd a oedd yn bwysig i farchnad y DU.<\/p>\n
Dywedodd bod hi\u2019n syndod, yn aml, mai\u2019r llwybr at ddefnyddwyr ar hyn o bryd yw drwy gwmn\u00efau annibynnol ac nid drwy\u2019r manwerthwyr mawr. \u201cOs edrychwch ar ble mae cig oen Halal yn cael ei werthu, mae\u2019r mwyafrif ohono\u2019n dod o siop y gornel neu gigydd annibynnol.\u201d<\/p>\n
Nid oedd cyflenwad yn broblem gan fod tua 70 y cant o gyflenwad y DU o gig oen yn ateb gofynion Halal, ond er mwyn ateb galw\u2019r cwsmeriaid yn well, bod mwy i\u2019w wneud i dynnu sylw at y sicrwydd sy\u2019n dod gyda\u2019r cynnyrch, meddai. \u201cMae\u2019n rhaid i\u2019r gadwyn gyflenwi wneud yn si\u0175r bod y sicrwydd o ran cyflenwad yn cwrdd \u00e2 disgwyliadau\u2019r gymuned Fwslimaidd ac, yn enwedig yn lle mae\u2019r cwsmer iau yn prynu, ei fod yn cwrdd \u00e2\u2019r gofynion amgylcheddol sy\u2019n bwysig iawn iddynt.\u201d<\/p>\n
Dywedodd Dr Fuseini ei fod yn teimlo mai\u2019r cyfle unigol mwyaf fyddai\u2019r farchnad yn Saudi. \u201cDyma\u2019r farchnad arfaethedig fwyaf oherwydd twristiaeth a chyfoeth yn y gymuned. Mae Cig Oen Cymru\u2019n cael ymateb da; mae o mewn gwesty pum seren yno\u2019n barod ac mae\u2019n pasio\u2019r trothwy ansawdd mwyaf uchel,\u201d meddai.<\/p>\n","protected":false},"excerpt":{"rendered":"