Bydd dathliad o Gig Oen Cymru PGI yn cael ei gynnal yng nghanolbwynt marchnad y dwyrain canol wrth i\u2019r corff cig coch, Hybu Cig Cymru (HCC) arddangos yn ffair fasnach Gulfood a chynnal digwyddiad arbennig yn y Llysgenhadaeth Brydeinig yn Dubai.<\/p>\n
Mae tim masnach HCC yn ymuno ag is-adran fwyd Llywodraeth Cymru i arddangos ochr yn ochr \u00e2 chynnyrch eraill o Gymru rhwng 17-21 Chwefror. Bydd allforwyr cig coch allweddol hefyd yn mynychu\u2019r ffair fasnach bwysig yng Nghnolfan Fasnach y Byd yn Dubai.<\/p>\n
Yn ychwanegol i\u2019r ffair fasnach, gweinir Cig Oen Cymru mewn digwyddiad arbennig, a gynhelir drwy garedigrwydd y Prif Gwnsler i\u2019w Fawrhydi i Dubai ac Emiradau\u2019r Gogledd, sef Sarah Mooney. Mae cynrychiolwyr o\u2019r sector gwasanaeth bwyd wedi\u2019u gwahodd i\u2019r cinio cyfyngedig gyda bwydlen wedi\u2019i dylunio gan y Prif Gogydd Russell Impiazzi i arddangos blas ac amlbwrpasedd arbennig Cig Oen Cymru.<\/p>\n
Fe ystyrir y dwyrain canol yn gyrchfan bwysig ar gyfer Cig Oen Cymru gan ei fod yn cynnig marchnad ar gyfer toriadau premiwm i gwsmeriaid ym mhen uchaf y farchnad, a hefyd yn helpu i gael cydbwysedd carcas wrth i doriadau eraill, rhatach gael eu hallforio i wledydd eraill. Mae cyfran Cig Oen Cymru o\u2019r farchnad manwerthu yn cynyddu ac wedi ehangu i Saudi Arabia.<\/p>\n
Meddai Arweinydd Datblygu\u2019r Farchnad HCC, Jason Craig: \u201cMae Gulfood yn ddigwyddiad allweddol yng nghalendr HCC ac mae\u2019n bwysig i ni fynychu gan fod prynwyr yn dod yno o bob cwr o\u2019r byd ac mae\u2019n cynnig cyfleoedd masnachu posib i Gig Oen Cymru. Mae\u2019n gyfle gwerthfawr i ddatblygu enw da’r cynnyrch a chysylltu gyda chwsmeriaid newydd ar draws y rhanbarth.<\/p>\n
\u201cRydym ni\u2019n edrych ymlaen yn arw at y digwyddiad yn y Llysgenhadaeth a fydd yn codi ymwybyddiaeth o\u2019r brand ac yn gyfle i gael sgyrsiau wyneb yn wyneb dros bryd o fwyd gyda phrynwyr dylanwadol o sector gwasanaeth bwyd yr Emiradau Arabaidd Unedig a Saudi Arabia. Wrth iddynt fwynhau bwyta Cig Oen Cymru, ein gobaith yw meithrin cysylltiadau newydd o fewn y gadwyn gyflenwi wrth adrodd y stori am ein dulliau cynhyrchu a\u2019r nodweddion cynaliadwy unigryw.\u201d<\/p>\n