Agoriad llygad, ysbrydoledig, addysgiadol! Rhai o\u2019r geiriau a ddefnyddiwyd gan gr\u0175p 2024-2025 i ddisgrifio\u2019r cynllun Cig-weithio sydd ar agor i geisiadau newydd gan unigolion sy\u2019n gweithio o fewn cadwyn gyflenwi cig coch Cymru.<\/p>\n
Ers ei lansio y llynedd, mae Hybu Cig Cymru (HCC) wedi derbyn ymateb cadarnhaol iawn i\u2019r rhaglen ac erbyn hyn yn chwilio am bobl ar gyfer yr ail gr\u0175p.<\/p>\n
Bydd ymgeiswyr llwyddiannus yn cael mynediad at y mewnwelediad diweddaraf i\u2019r diwydiant ac arbenigedd proffesiynol yn ystod sesiynau \u00e2 them\u00e2u amrywiol a gan fentor personol. Byddant yn mwynhau cyfleoedd i ddatblygu eu gwybodaeth a\u2019u dealltwriaeth o bob agwedd o\u2019r gadwyn gyflenwi, o\u2019r fferm i\u2019r fforc, a meithrin cysylltiadau newydd.<\/p>\n
Meddai Uwch Swyddog Cynhyrchwyr a Phroseswyr HCC, Lowri Thomas: \u201cRydym ni\u2019n falch i gynnig y cyfle unigryw yma eto eleni i unigolion ifanc a brwdfrydig. Gallai\u2019r aelodau fod yn ffermwyr, yn broseswyr, cigyddion, manwerthwyr, cogyddion \u2013 neu unrhyw un sy\u2019n ymwneud \u00e2\u2019r gadwyn gyflenwi cig coch rhwng 21-35 mlwydd oed. Mae\u2019n rhaid iddynt fod yn angerddol am gynhyrchu a hyrwyddo cig coch, gyda diddordeb mewn ymchwil a datblygu ac yn awyddus i weld datblygiadau o fewn y diwydiant.\u201d<\/p>\n
Bydd disgwyl i\u2019r aelodau ymrwymo i gyfanswm o chwe diwrnod – pum sesiwn gyda them\u00e2u amrywiol ac un gyda mentor yn y gweithle. Byddant yn elwa o gyfleoedd rhwydweithio niferus a gwybodaeth gan siaradwyr gwadd. Fel gr\u0175p, bydd disgwyl iddynt gydweithio ar brosiect perthnasol o\u2019u dewis i greu canlyniadau a fydd yn ddefnyddiol i\u2019r diwydiant.<\/p>\n
Ychwanegodd Lowri: \u201cRydym ni wedi mwynhau gweithio gyda gr\u0175p gwych o bobl eleni ac yn edrych ymlaen at ddarparu cyfleoedd gwerth chweil i\u2019r gr\u0175p nesaf.\u201d<\/p>\n
Meddai Dafydd Walters, un o aelodau gr\u0175p 2024-2025: \u201cRydym wedi cael cyfleoedd i gyfarfod pobl o bob rhan o\u2019r sector a gwneud cysylltiadau gwerthfawr. Rydym wedi clywed gan ddietegydd, wedi cyffwrdd ar farchnata, ar faeth, iechyd anifeiliaid a\u2019r amgylchedd, a chael persbectif go iawn o\u2019r gadwyn gyflenwi cig coch. Mae\u2019r rhaglen wedi bod yn unigryw ac yn brofiad ffantastig.\u201d<\/p>\n
Mae Daniel Owen hefyd yn aelod o\u2019r gr\u0175p cyntaf. Meddai: \u201cRydym wedi cyfarfod sawl cynrychiolydd o\u2019r manwerthwyr yn ogystal \u00e2 gwyddonwyr a sefydliadau sydd wedi dysgu llawer i ni am y diwydiant o\u2019r fferm i\u2019r fforc. Mae\u2019r rhaglen yn cynnig profiad gwerthfawr i chi o ran cael cyfarfod ag arweinwyr o fewn y diwydiant a chreu cysylltiadau gydag unigolion o\u2019r un oed a meddylfryd a chi\u2019ch hun.\u201d<\/p>\n
Y dyddiad cau i ymgeisio ar gyfer bod yn aelod o\u2019r ail gr\u0175p Cig-weithio yw 5yh ddydd Mercher 2 Gorffennaf. Mae\u2019r ffurflen gais ar gael i\u2019w lawrlwytho o wefan HCC.<\/p>\n","protected":false},"excerpt":{"rendered":"