{"id":5528,"date":"2025-08-20T13:50:15","date_gmt":"2025-08-20T13:50:15","guid":{"rendered":"https:\/\/meatpromotion.wales\/?p=5528"},"modified":"2025-08-20T13:51:56","modified_gmt":"2025-08-20T13:51:56","slug":"cydweithio-gan-y-diwydiant-i-hoelio-sylw-ar-wythnos-caru-cig-oen-ar-gychwyn-ei-degfed-flwyddyn-ym-mis-medi","status":"publish","type":"post","link":"https:\/\/meatpromotion.wales\/cy\/newsroom\/cydweithio-gan-y-diwydiant-i-hoelio-sylw-ar-wythnos-caru-cig-oen-ar-gychwyn-ei-degfed-flwyddyn-ym-mis-medi\/","title":{"rendered":"Cydweithio gan y diwydiant i hoelio sylw ar Wythnos Caru Cig Oen ar gychwyn ei degfed flwyddyn ym mis Medi"},"content":{"rendered":"\n\n\n
Yn ystod Wythnos Caru Cig Oen (Love Lamb Week<\/em>) eleni, o 1-7 Medi, bydd llu o weithgareddau gan y diwydiant i ddathlu cig oen, ei hyblygrwydd a’i faeth, a chyfraniad y ffermwyr a’r tirweddau sy’n ymwneud \u00e2’i gynhyrchu.<\/p>\n

Degawd ar \u00f4l lansio Wythnos Caru Cig Oen, mae Quality Meat Scotland (QMS) yn arwain yr ymgyrch eleni gyda chymorth gan Hybu Cig Cymru (HCC) yng Nghymru, AHDB yn Lloegr, ac LMC yng Ngogledd Iwerddon, ynghyd \u00e2 rhanddeiliaid allweddol eraill.<\/p>\n

Dywedodd Emma Heath, Cyfarwyddwr Marchnata QMS: \u201cRydym wrth ein bodd yn gweithio ar y cyd \u00e2’r byrddau ardoll eraill a’r gr\u0175p rhanddeiliaid ehangach, gan gynnwys y Gymdeithas Ddefaid Genedlaethol (NSA) ac Undeb Cenedlaethol y Ffermwyr (NFU). \u00a0Mae’n gyfle gwych i ddathlu cig oen a’r ffermwyr a’r hinsawdd sydd gennym yn y DG, sy’n golygu fod gennym y lle perffaith i fagu \u0175yn.\u201d<\/p>\n

Lansiwyd Wythnos Caru Cig Oen ddegawd yn \u00f4l gan y ffermwr defaid o Cumbria, Rachel Lumley, i annog bwyta cig oen yn ystod y tymor brig. Mae\u2019r Gymdeithas Ddefaid Genedlaethol\u00a0 (NSA) wedi bod yn rhan o’r ymgyrch ers ei sefydlu ac yn ystod y blynyddoedd diwethaf mae wedi gweithio gyda’r ffermwr defaid o Exmoor, Rosie Bloor, sydd yn Lysgennad Caru Cig Oen. Mae Rosie yn rhoi cynnwys cymdeithasol yn rheolaidd ar lwyfannau Wythnos Caru Cig Oen – @LoveLambWeek ar Facebook ac @LoveLambUK ar Instagram – i ledaenu’r neges yn ystod cyfnod yr ymgyrch, gan gynnwys ar ei chyfrif Instagram ei hun @farming_with_rosie.<\/p>\n

Wrth gyfeirio at \u00a0gyfraniad HCC i Wythnos Caru Cig Oen, dywedodd Pip Gill, Arweinydd Ymrwymiad Brand yn HCC: \u201cRydym yn edrych ymlaen at hyrwyddo Cig Oen Cymru yn ystod Wythnos Caru Cig\u00a0 Oen eleni wrth i\u2019r ymgyrch ddathlu ei ddegfed blwyddyn. Mae Wythnos Caru Cig Oen yn fenter bwysig ar lawr gwlad ac mae\u2019n dod o fewn ein hymgyrch flynyddol i hyrwyddo Cig Oen Cymru yn ystod y cyfnod brig o ran cyflenwad. \u00a0Mae ein hymgyrch \u2018Arbenigwyr yn eu Maes\u2019 yn rhoi ffermwyr Cymru wrth wraidd ein marchnata yn ystod Wythnos Caru Cig Oen a thu hwnt.<\/p>\n

Ychwanegodd Rheolwraig Gyfathrebu\u2019r NSA, Katie James: \u00a0\u201cWrth i ni ystyried deng mlynedd o hyrwyddo cynhyrchu cig oen a ffermio defaid yn y DG, rydym yn gweld bod llwyddiant gwirioneddol yr ymgyrch yn deillio o\u2019r ffermwyr eu hunain yn rhannu eu straeon personol, gan amlygu eu hymrwymiad i ffermio cynaliadwy, ac arddangos y cynnyrch blasus a maethlon y maen nhw\u2019n gweithio mor galed i\u2019w gynhyrchu. \u00a0Ar yr un pryd maen nhw\u2019n gweithio i gadw a gwella tirweddau\u2019r DG, gan sicrhau mynediad i\u2019r cyhoedd, bioamrywiaeth a helpu i gefnogi eu cymunedau lleol.<\/p>\n

\u201cYr wythnos hon, rydym yn annog ffermwyr defaid o bob cwr o\u2019r DG i fod yn weithgar ar gyfryngau cymdeithasol, gan ddefnyddio eu lleisiau eu hunain i gysylltu \u00e2 defnyddwyr. Mae\u2019r straeon dilys hyn yn taro tant gyda\u2019r cyhoedd. Maen nhw\u2019n eu helpu i ddeall yn well o ble mae eu bwyd yn dod ac yn eu hysbrydoli i ddewis cig oen a chig dafad yn amlach. Mae Wythnos Caru Cig Oen yn fwy na dim ond hyrwyddo; mae\u2019n ymwneud hefyd \u00e2 meithrin balchder, ymwybyddiaeth a chefnogaeth barhaus i\u2019n sector.\u201d<\/p>\n

Bydd pecyn cymorth ymgyrch Wythnos Caru Cig Oen yn cael ei rannu\u2019n eang i helpu i ledaenu negeseuon yr ymgyrch, gan ddarparu logos \u2018Cig Oen \u2013 Beth Amdani\u2019 ac asedau cyfryngau cymdeithasol i\u2019w defnyddio ar eu llwyfannau eu hunain a\u2019u rhannu gyda\u2019u rhwydweithiau. Mae\u2019r asedau\u2019n cynnwys ryseitiau blasus, gwybodaeth am ffermwyr, tirweddau a hinsawdd mewn perthynas \u00e2 chynhyrchu cig oen, ynghyd \u00e2 gwybodaeth ychwanegol i\u2019w defnyddio gan gigyddion.<\/p>\n

Bydd pob bwrdd ardoll yn tynnu sylw at Wythnos Caru Cig Oen trwy ei weithgaredd unigol ei hun:<\/p>\n