Mae\u2019r corff hyrwyddo cig coch, Hybu Cig Cymru, \u00a0wedi cyhoeddi ymgyrch newydd sy\u2019n annog pobl i beidio \u00e2 rhoi\u2019r gorau i fwyta cig coch \u2013 a hynny er mwyn byw yn iach.<\/p>\n
Mae\u2019r ymgyrch Ymatal rhag Ymatal gan HCC yn cael ei lansio ar 12 Ionawr, sef \u2018Dydd Ymatal\u2019 pan fydd y rhan fwyaf o bobl yn rhoi\u2019r gorau i\u2019w haddunedau blwyddyn newydd.<\/p>\n
Mae\u2019r ymgyrch Ymatal rhag Ymatal yn cymell teuluoedd ac unigolion i beidio ag ymatal rhag \u00a0bwyta cig coch fel rhan o\u2019u haddunedau, arferion bwyta a gofal iechyd ar gyfer y flwyddyn newydd.<\/p>\n
Wrth esbonio mwy am yr ymgyrch, dywedodd Pennaeth Marchnata Strategol a Chysylltiadau HCC, Laura Pickup: \u2018Mae cig coch, fel Cig Oen Cymru PGI a Chig Eidion Cymru PGI, yn gig naturiol sydd yn llawn o faetholion fel haearn, sinc a phrotein. \u00a0Mae’r fitaminau a’r mwynau hyn yn hanfodol er mwyn i\u2019r corff allu gweithio, sy\u2019n golygu eu bod yn fuddiol dros ben o ran deiet iach a chytbwys.<\/p>\n
\u2018Mae cig coch sy’n dod o laswellt \u2013 fel Cig Oen Cymru a Chig Eidion Cymru \u2013 hefyd yn cynnwys omega-3, sy’n hanfodol ar gyfer iechyd yr ymennydd a’r galon ac sy\u2019n gorfod cael ei gyflenwi gan eich diet a’r bwyd rydych chi’n ei fwyta, oherwydd ni all eich corff gynhyrchu digon ohono ar ei ben ei hun.\u2019<\/p>\n
Bydd yr ymgyrch yn cynnwys y dietegydd Nichola Ludlam-Raine a\u2019r arbenigwyr bwyd Hollie Woods a Llio Angharad a fydd yn tynnu sylw at fanteision iechyd cig coch o Gymru ac yn rhannu ryseitiau delfrydol o ran cydbwysedd maethol a blas. Mae’r ryseitiau’n cynnwys Pad Thai Cig Eidion Cymru tanllyd, Salad Superfood Cig Oen Cymru poeth a golwython Cig Oen Cymru Tandoori danteithiol. Bydd yr ymgyrch yn fyw ar draws y wasg, llwyfannau digidol a chyfryngau cymdeithasol o Ddydd Ymatal ymlaen.<\/p>\n
Ychwanegodd Laura: \u2018Gall defnyddwyr fod yn dawel eu meddwl hefyd fod Cig Oen Cymru a Chig Eidion Cymru yn dda i\u2019r amgylchedd yn ogystal ag i iechyd pobl. Mae Cig Oen Cymru a Chig Eidion Cymru yn dod o brydferthwch cefn gwlad Cymru, lle ma arferion ffermio naturiol a thraddodiadol yn cael eu defnyddio er mwyn cynhyrchu cig coch o\u2019r safonau uchaf o ran yr amgylchedd ac ansawdd y cig.\u2019<\/p>\n","protected":false},"excerpt":{"rendered":"