Mae\u2019r corff ardoll cig coch, Hybu Cig Cymru, wedi cadarnhau perfformiad cryf ei ymgyrch ddiweddaraf \u2018Naturiol a Lleol\u2019 Cig Eidion Cymru PGI, a fu\u2019n rhedeg yn ddwyieithog ledled Cymru ddiwedd 2025 a dechrau 2026. Llwyddodd yr ymgyrch integredig i gyflawni cyrhaeddiad, ymgysylltiad a gwelededd cryf ar gyfer un o gynhyrchion bwyd mwyaf eiconig Cymru.<\/p>\n
Cysylltodd yr ymgyrch \u2018Naturiol a Lleol\u2019 \u00e2 darpar gwsmeriaid ledled Cymru, gan gyrraedd 1.5 miliwn o bobl yn ystod y cyfnod o dri mis. Gwnaeth gweithgarwch digidol gyflawni canlyniadau rhagorol, gan ddarparu dros 5.5 miliwn o gyfleoedd ar-lein i weld yr ymgyrch.<\/p>\n
Sicrhaodd cyfuniad o hysbysebu digidol wedi\u2019i dargedu fod cynnwys hyrwyddo\u2019n cael ei gyflwyno\u2019n uniongyrchol i\u2019r defnyddwyr a oedd fwyaf tebygol o brynu Cig Eidion Cymru, gan wneud y gorau o effeithlonrwydd a gwerth yr ymgyrch.<\/p>\n
Ffurfiodd gweithgarwch awyr agored golofn ganolog i\u2019r ymgyrch, gyda hysbysebu grymus ar hyd a lled Caerdydd yn ystod cyfres rygbi Ryngwladol yr Hydref ym mis Tachwedd, ochr yn ochr \u00e2 meddiannu Gorsaf Caerdydd Canolog yn llwyr – gan osod Cig Eidion Cymru yng nghanol un o fannau cymudo prysuraf Cymru.<\/p>\n
Gwnaeth hysbysebion teledu ar ITV Cymru a nawdd ar S4C wella\u2019r cyrhaeddiad ymhellach, gyda Chig Eidion Cymru yn cael ei hyrwyddo cyn rhaglenni poblogaidd yn ystod y dydd a dros gyfnod y Nadolig.<\/p>\n
Cryfhawyd yr ymgyrch gan gyfranogiad Lauren Price MBE, a fu\u2019n gweithredu fel Llysgennad Brand Cig Eidion Cymru. Ymddangosodd Lauren ar gynnwys cyfryngau cymdeithasol HCC ac yn Ffair Aeaf Cymdeithas Amaethyddol Frenhinol Cymru yn rhannu ei chefnogaeth i Gig Eidion Cymru, gan helpu i ennyn diddordeb cynulleidfaoedd newydd ac iau yn rhinweddau maethol Cig Eidion Cymru.<\/p>\n