Mae\u2019r corff sy\u2019n hyrwyddo cig coch Cymru, Hybu Cig Cymru (HCC), yn mynd \u00e2 Chig Oen Cymru PGI i farchnad broffidiol y Dwyrain Canol lle bydd yn arddangos mewn sioe fasnach flaenllaw ac yn cynnal dathliad arbennig yn llysgenhadaeth Prydain yn Dubai.<\/p>\n
Bydd allforwyr o Gymru yn ymuno \u00e2 th\u00eem masnach HCC i arddangos Cig Oen Cymru yn Gulfood, a gynhelir rhwng 19-23 Chwefror yng Nghanolfan Masnach y Byd, \u00a0Dubai.<\/p>\n
Mae marchnad y Dwyrain Canol yn farchnad allforio bwysig sy\u2019n tyfu ar gyfer cig coch Cymru \u2013 gydag allforion o Gig Oen Cymru yn cynyddu mewn blynyddodd diwethaf.<\/p>\n
Dywedodd Swyddog Datblygu’r Farchnad yn HCC, Gareth Evans: \u00a0\u201cMae Gulfood yn ddigwyddiad allweddol yn y calendr bwyd a diod byd-eang. Bydd prynwyr o dros 120 o wledydd yn bresennol ac mae\u2019n gyfle gwych i ddatblygu enw da Cig Oen Cymru ac i gysylltu \u00e2 chwsmeriaid newydd ar draws y rhanbarth.\u201d<\/p>\n
Yn ogystal \u00e2 mynychu\u2019r sioe fasnach, mae HCC wedi trefnu digwyddiad \u2018Dathlu Cig Oen Cymru\u2019 \u00a0yn llysgenhadaeth Prydain yn Dubai. Bydd Comisiynydd Masnach a Chonswl Cyffredinol Ei Fawrhydi, Oliver Christian, yn bresennol yn y digwyddiad, ynghyd \u00e2 phobl ddylanwadol y sector lletygarwch ac arlwyo o Dubai a\u2019r Dwyrain Canol.<\/p>\n
Cafodd bwydlen tri-chwrs \u2018Dathlu Cig Oen Cymru\u2019 ei chreu gan gogydd gweithredol blaenllaw o Dubai, Russell Impiazzi, ac mae\u2019n cynnwys Ysgwydd Cig Oen Cymru PGI Olosgedig a Lwyn Cig Oen Cymru PGI wedi\u2019i Rhostio gyda Pherlysiau. Mae\u2019r fwydlen hefyd yn cynnwys detholiad o gynnyrch bwyd a diod Cymreig adnabyddus arall \u2013 \u00a0gan gynnwys D\u0175r T\u0177 Nant, Halen M\u00f4n, Caws Eryri, a Chwisgi Penderyn.<\/p>\n
Yn ogystal, bydd cyfle i glywed anerchiad gan gynrychiolydd o HCC yn egluro tarddiad a hanes Cig Oen Cymru, a sut mae\u2019n hyrwyddo dulliau ffermio cynaliadwy Cymru.<\/p>\n
Esboniodd Swyddog Digwyddiadau HCC, Medi Jones-Jackson: \u201cBydd y digwyddiad Llysgenhadaeth hwn yn galluogi HCC i gysylltu \u00e2 phrynwyr allweddol a\u2019r rhai sy\u2019n gwneud penderfyniadau ar draws y rhanbarth a rhoi gwir flas iddyn nhw o\u2019r hyn sy\u2019n gwneud Cig Oen Cymru PGI mor sbesial.\u201d<\/p>\n","protected":false},"excerpt":{"rendered":"