Gweledigaeth y Diwydiant Cig Coch: Darparu Gwerth i Gymru
Mae cynllun strategol HCC, Gweledigaeth y Diwydiant Cig Coch: Darparu Gwerth i Gymru, a gyhoeddwyd ym mis Mawrth 2026, yn amlinellu blaenoriaethau’r corff ardoll hyd at 2030.
Mae tri maes ffocws wedi’u hamlinellu i gefnogi cenhadaeth HCC o arwain a chefnogi diwydiant cig coch Cymru i gynyddu ei bresenoldeb yn y farchnad, ei wydnwch economaidd a’i gystadleurwydd byd-eang wrth ymdrechu i gael effaith amgylcheddol gadarnhaol.
Cynhaliwyd ymgynghoriad yn 2025 oedd yn cynnwys nifer o drafodaethau gyda’r diwydiant. I ddatblygu’r strategaeth, casglwyd barn ac adborth drwy gydol 2025 yn cynnwys trafodaethau niferus gyda rhanddeiliaid ar draws y gadwyn gyflenwi cig coch, holiadur i ffermwyr a ‘Galwad am Farn y Diwydiant’.
Bu staff HCC hefyd mewn marchnadoedd da byw dros Gymru a digwyddiadau amaethyddol i gasglu barn yn uniongyrchol gan dalwyr ardoll.
Mae’r ymgysylltiad dros y misoedd diweddar wedi ceisio annog cyfraniadau o bob rhan o’r diwydiant.
Gallwch ddarllen y ddogfen Gweledigaeth lawn drwy glicio yma: Gweledigaeth y Diwydiant Cig Coch_Darparu Gwerth i Gymru_Mawrth 2026
“Gweledigaeth HCC yw diwydiant cig coch cystadleuol, proffidiol, effeithlon a chynaliadwy yng Nghymru sy’n cofleidio ei gyfrifoldebau cymdeithasol ac amgylcheddol. Bydd y Weledigaeth yn gweithredu fel glasbrint i HCC gefnogi ac uno pob elfen o’n sector a’n cadwyn gyflenwi – o ffermwyr i arwerthwyr, proseswyr a’r sector bwyd ehangach – er mwyn sicrhau llwyddiant a thwf yn y dyfodol i’n diwydiant.
“Rydyn ni wedi ymrwymo i wella enw da a chystadleurwydd y sector, tra hefyd yn cyflawni ar gyfer talwyr yr ardoll, defnyddwyr a chymdeithas ehangach Cymru.”
Cadeirydd HCC, Catherine Smith
“Byddwn yn mabwysiadu dull cydweithredol, a fydd yn cynnwys gweithio gyda phartneriaid ar draws y diwydiant sy’n cael eu gyrru gan bwrpas cyffredin. Bydd hyn yn sicrhau ein bod yn gweithredu’n effeithlon ac yn effeithiol ac yn parhau i ganolbwyntio ar gyflawni canlyniadau ystyrlon.”
Prif Weithredwr HCC, José Peralta
