Meincnodi – Gwybod eich cost cynhyrchu yr uned
Mae meincnodi yn asesiad o’ch menter sy’n caniatáu i chi ddarganfod lle mae modd gwella’ch busnes trwy gymharu elfennau gweithredol unigol (e.e. data costau a pherfformiad) â ffermydd tebyg. Mae hefyd yn ysgogi ffermwyr i rannu gwybodaeth a phrofiadau
Manteision meincnodi
- Mae’n gwella’r sefyllfa gystadleuol drwy gymharu perfformiad â pherfformiad busnesau ag arferion gorau ac mae’n gweithredu rhaglenni gwelliant yn seiliedig ar ganlyniadau
- Mae’n rhoi cyfle i ddeall eich busnes cyfan yn well ac felly mae’n gwneud llwyddiant hirdymor yn fwy tebygol.
Cyfrifo eich mynegai lloia
Pa mor dda ydych chi yn ei wneud? – Cyfrifwch eich Mynegrif Lloia
Dewisiwch gyfnod o12 mis yr hoffech gyfrifo eich mynegrif lloia. Rhestrwch yr holl wartheg a ddaeth â llo yn ystod y cyfnod hwn gan nodi dyddiad dyfodiad y llo olaf ynghyd â dyddiad lloia blaenorol pob buwch. Cyfrifwch y nifer o ddyddiau rhwng y ddau ddyddiad. Dyma yw’r saib lloia i bob buwch. Cewch fynegrif lloia i bob buches wrth gyfrif swm yr holl seibiau lloia a rhannu hyn gyda’r nifer o wartheg yn y fuches. Dylai’r targed ar gyfer y rhan fwyaf o fuchesi fod yn 365 i 375 o ddiwrnodau.
Y ffordd orau o ddehongli’r mynegrif lloia yw gan gyfrif y gwartheg hesb. Rhestrwch y gwartheg a ddaeth â lloi y tymor cyn diwethaf a chyfrifwch y rhai hynny nad sy’n gyflo. Mae llai na 5-8% yn darged da, yn ddibynnol ar batrwm lloia.
Gwasgwch yma i gael enghraiff a chyfrifiannell
Sut mae’ch buches chi yn cymharu â’r targedau a pha gamau sydd angen eu cymryd i wella’r canlyniadau presennol?
