Mae Cig-weithio yn gynllun 12 mis sydd wedi’i lunio i ddatblygu a chefnogi’r gadwyn gyflenwi cig coch yng Nghymru.
Drwy gyd-weithio fel grŵp, y nod yw sbarduno sgyrsiau, cynyddu dealltwriaeth a meithrin cysylltiadau o fewn y gadwyn gyflenwi, yng Nghymru ac yn fyd-eang.
Os ydych chi’n ticio’r bocsys i gyd, ymgeisiwch i fod yn rhan o grŵp newydd a chyffrous HCC heddiw!
- 21-35 oed
- Cymryd rhan yn y gadwyn gyflenwi cig coch
- Angerdd am gynhyrchu a hyrwyddo cig coch
- Diddordeb mewn ymchwil a datblygu
- Yn awyddus i weld y gadwyn gyflenwi yn dod yn fwy effeithlon a chynaliadwy
- Uchelgeisiol llawn cymhelliant a brwdfrydig
Bydd ymgeiswyr llwyddiannus yn elwa drwy fod yn rhan o’r elfennau canlynol:
Datblygwch eich arbenigedd mewn meysydd penodol o’r gadwyn gyflenwi!
Bydd pum sesiwn yn cael eu cynnal gyda phum thema, yn cynnig cymysgedd o sesiynau ymarferol, sgyrsiau adeiladol a chyfle i ymwneud â gwyddonwyr cig ac arweinwyr masnachol adnabyddus yn fyd-eang.
Thema 1: Cig-weithio – arweinwyr y diwydiant
Thema 2: Yr Amgylchedd ac Amaethu
Thema 3: Un Iechyd – y cysylltiad rhwng iechyd pobl ac anifeiliaid
Thema 4: Effeithlonrwydd y gadwyn cyflenwi cig coch o’r fferm i’r fforc. Sut gallwn ni ddylanwadu ar ansawdd cig a boddhad defnyddwyr?
Thema 5: Cynhyrchu, Prosesu a Phroffidioldeb
Bydd cyfle pellach i aelodau fynychu cynadleddau, digwyddiadau HCC ac i gymryd rhan mewn gweithgareddau hyrwyddo.
Meithrin cysylltiadau newydd ac ehangu’ch gwybodaeth o’r sector!
Bydd pob unigolyn yn cael mentor yr un o’r gadwyn gyflenwi. Bydd aelodau’n cwrdd â’u mentor i ddeall mwy am eu maes penodol nhw o fewn y gadwyn gyflenwi. Yn dilyn hynny, bydd cyfle i dreulio diwrnod gwaith gyda’r mentor, gyda’r profiad yn sail i drafodaethau yn ystod y dyddiau a bennir ar gyfer y modiwlau.
Cyfrannu tuag at brosiect grŵp i gynhyrchu gwybodaeth newydd ar gyfer y diwydiant!
Bydd y grŵp yn cynllunio a datblygu prosiect yn ystod y sesiwn gychwynnol, gyda’r nod o gynhyrchu gwybodaeth a data y gellir ei gyhoeddi er budd y diwydiant yn ehangach. Dewis y grŵp yw’r maes ymchwil gyda’r posibilrwydd o ystyried arferion ar y fferm, effeithlonrwydd y gadwyn gyflenwi a barn defnyddwyr.
SUT FYDD O’N GWEITHIO?
Fe gyflwynir y rhaglen ar draws 6 niwrnod dros gyfnod o 12 mis. Bydd hyn yn cynnwys:
- 5 diwrnod o brofiad ymarferol drwy themâu’r modiwlau
- 1 diwrnod gyda’ch mentor
Diddordeb? Am fwy o wybodaeth cysylltwch gyda ni ar info@hybucig.cymru / 01970 625050
