Mae Bwletin y Farchnad mis Ionawr yn edrych ar dueddiadau lladd a chynhyrchu gwartheg, defaid a moch yn y DU yn 2025, wedi i Defra gyhoeddi ffigyrau trwybwn yn ddiweddar.
Pwyntiau allweddol:
- Gostyngodd trwybwn gwartheg ar y flwyddyn. Arweiniodd hyn at gynhyrchiad cig eidion domestig is - gostyngiad o 4% ar y flwyddyn, a 3% yn is na’r cyfartaledd pum mlynedd.
- Gan edrych i 2026, mae cyflenwad tynn o wartheg yn debygol o barhau i gefnogi prisiau cadarn yn y tymor byr a bydd y cyflenwad posibl o wartheg yn y DU yn debygol o barhau’n dynn.
- Gwelwyd gostyngiad o tua 2% ar y flwyddyn mewn lefelau trwybwn defaid ac ŵyn.
- Mae’r crebachu yn y ddiadell fridio, yn ogystal â niferoedd ŵyn y llynedd yn cyrraedd lefel hanesyddol o isel yn awgrymu y bydd cyflenwad yn parhau’n dynn wrth symud ymlaen.
- Gwelwyd cynnydd o 1% mewn lefelau lladd moch ar y flwyddyn, tra bod cynhyrchiad cig mochyn 2% yn uwch.
Am ddadansoddiad llawn o’r data, cliciwch YMA i ddarllen Bwletin y Farchnad mis Ionawr. Mae’r bwletin hefyd yn cynnwys crynodeb o brisiau diweddar a data trwybwn mis Rhagfyr ar gyfer gwartheg, defaid a moch.
