Mewn ymateb i gyhoeddi’r adroddiad, meddai llefarydd ar ran HCC:
“Rydym ni’n croesawu’r gwaith gan bwyllgor y Senedd yn y maes yma a chyhoeddiad yr adroddiad, ‘Cywain y cynhaeaf: Cefnogi diwydiant prosesu bwyd Cymru.’ Yn benodol, croesawn yr argymhelliad sy’n edrych ar sut y gall Llywodraeth Cymru a rhanddeiliaid ehangach gefnogi lladd-dai a chynhyrchwyr bwyd Cymru i sicrhau y gellir gweini cig Cymru sy’n gymharol garbon isel ar blatiau Cymru, er mwyn osgoi dadstocio ffermydd Cymru, ond mewnforio cig o ansawdd is, llesiant is a charbon uwch.
“Croesawn hefyd y ffaith bod y pwyllgor wedi tynnu sylw at bwysigrwydd niferoedd da byw i sicrhau diwydiant cig coch cynaliadwy sy’n ffynnu yng Nghymru, ac yn benodol, yr argymhelliad i ystyried cynlluniau sy’n cefnogi niferoedd da byw yn uniongyrchol.
“Rydym mewn trafodaethau gyda Llywodraeth Cymru ar fanylion yr argymhellion yn yr adroddiad.”
