Mewn ymateb i gyhoeddi adroddiad ‘Cynhyrchu Buchod Sugno Eidion Cymreig’ yr NFU, meddai llefarydd ar ran HCC:
Mae HCC yn croesawu adroddiad ‘Cynhyrchu Buchod Sugno Eidion Cymreig’ yr NFU. Fel yr amlinellwyd gan HCC i’r ymchwiliad ar Brosesu Bwyd gan Bwyllgor yr Economi, Masnach a Materion Gwledig, mae gostyngiad mewn niferoedd da byw, a gwartheg sugno yn benodol, yn parhau i fod yn gryn bryder i’r diwydiant cyfan. Mae angen gweithredu hirdymor, wedi’i gydlynu ar frys, yn cynnwys y cais a wneir yn yr adroddiad am raglen wedi’i thargedu i gefnogi’r fuches sugno. Bydd HCC yn parhau i weithio gyda phartneriaid, yn cynnwys Llywodraeth Cymru, i gynghori ar y mater a chefnogi a gweithredu ar raglen o’r fath pe bai’n cael ei datblygu. Rydym wedi tynnu sylw yn y gorffennol at gylch gwaith eang HCC a’r incwm ardoll cyfyngedig a ddaw o dda byw - gwartheg yn arbennig.
Mae’r argymhelliad i Lywodraeth Cymru roi cyllid sy’n cyfateb â chyfraniad talwyr ardoll i gefnogi twf allforio yn fater i’r Llywodraeth. Er hynny, gall HCC gynorthwyo pe bai cefnogaeth ychwanegol yn cael ei ddarparu, ac wrth i ni ddatblygu ein cynllun busnes pedair blynedd nesaf fel rhan o ‘Gweledigaeth 2030’, byddwn yn neilltuo ein cyllideb gyfyngedig ar gyfer y gweithgareddau mwyaf effeithiol i gael yr effaith orau. Wrth i ni gychwyn ar ein cynllun busnes pedair blynedd newydd, bydd hyn yn golygu blaenoriaethau wedi’u targedu a chynllun staffio a fydd yn cynnig effaith gref a gwerth am arian i dalwyr ardoll.”
I ddarllen yr adroddiad yn ei gyfanrwydd, cliciwch yma: Cynhyrchu Buchod Sugno Eidion Cymreig
