Mae Bwletin y Farchnad mis Rhagfyr yn archwilio canlyniadau Arolwg Mehefin 2025 y DU a ryddhawyd yn ddiweddar. Yn ogystal, mae’n ystyried sut gall niferoedd da byw effeithio ar gyflenwad mewn amser i ddod.
Pwyntiau allweddol:
- Mae’r data yn dangos tynhau parhaus ar draws buches a diadell y DU, gyda niferoedd bridio is a lleihad yn lefelau stoc ifanc sy’n awgrymu cyflenwad domestig cyfyngedig i ddod.
- Gwelwyd gostyngiad o 1.3% (120,000 pen) yn nifer y gwartheg a lloi yn y DU ar y flwyddyn (DEFRA).
- Y fuches bridio cig eidion yw’r lleiaf ar gofnod - gyda gostyngiad o 1% mewn niferoedd ar y flwyddyn, ac 18% yn llai nac yn 2015.
- Gwelwyd gostyngiad o 1.7% - i 30.5 miliwn pen - ym mhoblogaeth defaid ac ŵyn y DU (DEFRA). Mae’r gostyngiad o 533,100 pen ar y flwyddyn flaenorol yn nodi’r ddiadell leiaf ar gofnod ers i Arolwg Mehefin ddechrau cofnodi yn 1984.
- Er hynny, gwelwyd cynnydd sylweddol o 6% ar y flwyddyn mewn defaid i fridio am y tro cyntaf, sy’n awgrym posibl o gynnydd mewn niferoedd defaid amnewid sy’n mynd i mewn i’r cylch bridio, a fydd o bosibl yn cefnogi cynnydd mewn niferoedd ŵyn y flwyddyn nesaf.
- Roedd poblogaeth moch y DU yn 4.7 miliwn pen - cynnydd o 0.5% ers 2024.
- Roedd canlyniadau Arolwg Mehefin 2025 ar gyfer Cymru fel a ganlyn:
> Gwartheg a lloi = 1.1 miliwn pen (-1% ar y flwyddyn)
> Defaid ac ŵyn = 8.8 miliwn pen (+1% ar y flwyddyn)
> Moch = 28,050 pen (+1% ar y flwyddyn)
Am ddadansoddiad llawn o’r data, cliciwch YMA i ddarllen Bwletin y Farchnad mis Rhagfyr. Mae’r bwletin hefyd yn cynnwys crynodeb o brisiau gwartheg, defaid a moch yn ystod y mis.
