Yn ystod y chwe mis diwethaf mae HCC wedi ceisio ymgysylltu â’r holl gadwyn gyflenwi cig coch i ddatblygu darlun mwy cyflawn o’r cyfleoedd a bygythiadau a wynebir gennym fel diwydiant er mwyn gallu pennu blaenoriaethau fel rhan o’n strategaeth ar gyfer y dyfodol. (Gweledigaeth 2030).
Mae’r ymgysylltu wedi golygu bod yn bresennol mewn 16 o farchnadoedd da byw; cynnal arolwg ymhlith ffermwyr; cyfarfodydd gydag unigolion a grwpiau i gasglu adborth ffurfiol ac anffurfiol; a chloi wrth wneud ‘cais am adborth’ ffurfiol gan grwpiau cynrychiadol a sefydliadau ehangach o dalwyr ardoll.
Rydym bellach yn tynnu at derfyn y broses hon; mae’r strategaeth ar fin cael ei chwblhau a’r bwriad yw ei chyhoeddi yn gynnar yn 2026.
Er mwyn ehangu ein hymdrechion ymgysylltu yn y dyfodol, byddwn yn cynnal cyfres o ddigwyddiadau rhanbarthol ledled Cymru yn gynnar yn 2026 er mwyn diweddaru talwyr ardoll am y strategaeth, a bydd hyn yn disodli ein cynhadledd flynyddol draddodiadol ym mis Tachwedd.
Yn y cyfamser, bydd HCC unwaith eto yn mynychu Ffair Aeaf Frenhinol Cymru (24, 25 Tachwedd) eleni. Felly, cofiwch alw heibio i’n gweld ar ein stondin.
