Data HMRC yn rhoi darlun cadarnhaol o fasnach cig coch y DU yn 2025

Mae Bwletin y Farchnad mis Chwefror yn edrych ar ffigyrau masnach cig coch ar gyfer 2025.

Pwyntiau allweddol:

• Gwelwyd gostyngiad o 3% yng nghyfanswm cig eidion y DU yn 2025 (DEFRA), a hynny yn sgil gostyngiad o 5% mewn lefelau trwybwn gwartheg. Roedd gostyngiad bach o 1% mewn allforion cig eidion o’r DU ar y flwyddyn, ond gwelwyd cynnydd o 28% mewn gwerth allforion. Mae hyn yn adlewyrchu cryfder parhaus ym marchnadoedd cig eidion byd-eang, wedi’i ategu gan gyflenwadau cyfyngedig. Arhosodd cyfaint mewnforion yn sefydlog.
• Gwelwyd cynnydd o 2% yng nghyfanswm cig dafad y DU (DEFRA) gyda lefelau lladd defaid ac ŵyn yn aros yn gyson o gwmpas tua 12.9 miliwn pen. Gwelwyd cynnydd o 9% ar y flwyddyn mewn allforion, gan gyrraedd y lefel uchaf ers 2020. Arweiniodd hyn at gynnydd mewn gwerth hefyd – cynnydd o 12%, yn sgil prisiau cadarn yn y farchnad domestig a rhyngwladol. Gwelwyd cynnydd o 3% ar y flwyddyn mewn mewnforion hefyd.
• Gwelwyd cynnydd o 3% mewn cig mochyn, gydag allforion yn codi hefyd – o 5%. Er hynny, gwelwyd gostyngiad o 5% yng ngwerth allforion, a dyna’r sefyllfa o ran lefel a gwerth mewnforion y DU hefyd.
• Fe wnaeth galw byd-eang cadarn a phrisiau uchel gefnogi gwerthoedd masnach yn 2025, er bod cyflenwadau cig eidion domestig cyfyngedig wedi cyfyngu ar dwf allforio. Bydd deinameg cyflenwad byd-eang a pholisi masnach yn parhau i fod yn ddylanwadau allweddol ar farchnadoedd cig coch y DU yn y dyfodol.

Am ddadansoddiad llawn o’r data, cliciwch YMA i ddarllen Bwletin y Farchnad mis Chwefror. Mae’r bwletin hefyd yn cynnwys crynodeb o brisiau gwartheg, defaid a moch yn ystod y mis.