Skip to content
Eat Welsh Lamb & Welsh Beef

Cafodd treftadaeth, cymeriad ac enw da unigryw Cig Oen Cymru a Chig Eidion Cymru eu cydnabod gan y Comisiwn Ewropeaidd trwy ennill statws prin Dynodiad Daearyddol Gwarchodedig (PGI).

Visit website
Porc Blasus

Mae Cymru’n enwog am gynhyrchu Cig Oen Cymru a Chig Eidion Cymru o safon, ond ddylen ni ddim anghofio am ein porc.

Visit website
Hwb Cig Coch

Mae'r Hwb Cig Coch yn cefnogi’r rhai sy’n gweithio mewn iechyd ac addysg trwy ddarparu adnoddau gwybodaeth a dysgu manwl ynghylch cig coch a maeth, diet cytbwys, tarddiad a diogelwch bwyd, prynu, storio, paratoi a choginio cig coch.

Visit website
Eat Welsh Lamb & Welsh Beef

Cafodd treftadaeth, cymeriad ac enw da unigryw Cig Oen Cymru a Chig Eidion Cymru eu cydnabod gan y Comisiwn Ewropeaidd trwy ennill statws prin Dynodiad Daearyddol Gwarchodedig (PGI).

Visit website
Porc Blasus

Mae Cymru’n enwog am gynhyrchu Cig Oen Cymru a Chig Eidion Cymru o safon, ond ddylen ni ddim anghofio am ein porc.

Visit website
Hwb Cig Coch

Mae'r Hwb Cig Coch yn cefnogi’r rhai sy’n gweithio mewn iechyd ac addysg trwy ddarparu adnoddau gwybodaeth a dysgu manwl ynghylch cig coch a maeth, diet cytbwys, tarddiad a diogelwch bwyd, prynu, storio, paratoi a choginio cig coch.

Visit website
Share

Mae athrawon ysgolion cynradd ac uwchradd yn cael eu hannog i gofrestru ar gyfer cylchlythyr newydd sy’n canolbwyntio ar gig coch, sgiliau coginio a maeth – ac mae ganddynt gyfle i ennill gweithdy cig coch pwrpasol a gyflwynir yn yr ysgol gan Hybu Cig Cymru (HCC).

Mae Gwersi o’r Gegin – The Kitchen Classroom yn gylchlythyr chwarterol newydd am ddim a sefydlwyd gan HCC, sef y corff ardoll cig coch, a bydd yn cynnwys adnoddau addysgu rhad ac am ddim, syniadau am wersi, gwybodaeth ac erthyglau gan bobl flaenllaw ym maes cig coch, iechyd a maeth.

Dywedodd Elwen Roberts, Swyddog Gweithredol HCC ar gyfer y Defnyddwyr: “Mae darparu addysgwyr ac athrawon ag adnoddau a gwybodaeth am gig coch sydd yn seiliedig ar dystiolaeth yn flaenoriaeth i ni yn HCC. Felly, bydd cylchlythyr Gwersi o’r Gegin yn gyfle gwych i gysylltu â mwy o athrawon ac i roi’r  wybodaeth ddiweddaraf i addysgwyr am themâu bwyd a ffermio a chynnig syniadau am wersi.

“Bydd athrawon sy’n cofrestru ar gyfer y cylchlythyr rhwng nawr a dydd Gwener 13 Medi hefyd yn cael eu cynnwys mewn raffl i ennill gweithdy cig coch pwrpasol a gyflwynir yn yr ysgol gan HCC yn y flwyddyn academaidd nesaf.  Bydd y gweithdy hwn yn cwmpasu sgiliau coginio, bwyta’n iach a tharddiad bwyd.”

Bydd y cylchlythyr yn cynnwys dolenni i adnoddau addysg HCC sy’n addas ar gyfer plant  3-16 oed ac a fydd yn ymdrin â phynciau fel bwyta’n iach, ffermio yng Nghymru, teilwra ryseitiau a maeth. Mae’r holl adnoddau ar gael yn Gymraeg a Saesneg a chawsant eu cynllunio ar y cyd ag athrawon, yn unol â’r cwricwlwm newydd. Yn ogystal, bydd ryseitiau tymhorol, fideos a gwybodaeth am newyddion a digwyddiadau addysg HCC sydd ar ddod yn cael eu cynnwys.

Eglurodd Uwch Swyddog Marchnata Digidol HCC, Liz Hunter: “Mae ein gwaith iechyd ac addysg diweddar wedi dangos bod galw am ffynonellau gwybodaeth digidol ac ar-lein i athrawon. Bydd ein cylchlythyr newydd, Gwersi o’r Gegin, yn sicrhau bod athrawon yn gallu derbyn ein hadnoddau diweddaraf a gwybodaeth sy’n seiliedig ar dystiolaeth am gig coch yn syth i’w mewnflychau.”

Bydd HCC hefyd yn bresennol yn y Sioe Addysg Genedlaethol yn Llandudno ddydd Gwener 14 Mehefin lle bydd yn rhannu adnoddau dosbarth ac yn cynnig cofrestriadau i'r cylchlythyr.

Meddai Elwen: “Rwy’n awgrymu’n garedig y dylai athrawon ac addysgwyr gofrestru ar gyfer cylchlythyr Gersi o’r Gegin fel bod ganddyn nhw gyfle i ennill y wobr arbennig iawn hon i’w hysgol.”

Gall athrawon gofrestru'n uniongyrchol ar gyfer y cylchlythyr trwy wefan hwbcigcoch.cymru neu y linc yma.


You may also like

Ystadegau blynyddol yn dangos y prif newidiadau o ran masnach
Ystadegau blynyddol yn dangos y prif newidiadau o ran masnach
Aelod o’r grŵp Cig-weithio yn derbyn teitl Prif Gigydd
Aelod o’r grŵp Cig-weithio yn derbyn teitl Prif Gigydd
Carreg filltir bwysig i RamCompare sydd eisiau hyrddod newydd
Carreg filltir bwysig i RamCompare sydd eisiau hyrddod newydd
Hyrwyddo Cig Oen Cymru yn y Dwyrain Canol
Hyrwyddo Cig Oen Cymru yn y Dwyrain Canol