Wrth wneud sylwadau ar y cyhoeddiad, dywedodd llefarydd o HCC:
‘Mae HCC yn cydnabod adroddiad Comisiwn EAT-Lancet. Er bod bwriad da i’r argymhellion, mae’n bosibl nad oes iddynt naws na chydbwysedd ac maent yn rhy gyffredinol.
Mae cig coch yn darparu ffynhonnell grynodedig o faetholion hanfodol sy’n gymorth i iechyd cyffredinol. Dyna pam mae canllawiau swyddogol y llywodraeth yn argymell cymeriant dyddiol o 70g. Mae lefelau defnydd cyfredol y DU eisoes islaw’r meincnod hwn. Mae galwadau i leihau’r cymeriant ymhellach yn peryglu effeithiau negyddol anfwriadol ar lesiant maethol.
Mae cynhesu byd-eang, yn ôl ei ddiffiniad, yn broblem fyd-eang ac mae Cymru’n chwarae rhan wrth leihau allyriadau nwyon tŷ gwydr. Mae hinsawdd Cymru, ei thir a chynhyrchu helaeth sy’n seiliedig ar laswellt, yn ei gwneud yn arbennig o addas i gynhyrchu da byw mewn ffordd gymharol fanteisiol o safbwynt amgylcheddol.
Gall ffermwyr Cymru gynhyrchu cig coch o ansawdd yn gynaliadwy gydag effaith amgylcheddol fyd-eang is na’r cyfartaledd. Nid bwyd yn unig y mae systemau ffermio da byw sy'n cael eu rheoli'n dda yn ei ddarparu, ond hefyd manteision ehangach i'r amgylchedd (o well iechyd pridd i storio carbon) ynghyd â'r manteision economaidd-gymdeithasol y mae cymunedau gwledig Cymru yn dibynnu arnynt.’
