Skip to content
Eat Welsh Lamb & Welsh Beef

Cafodd treftadaeth, cymeriad ac enw da unigryw Cig Oen Cymru a Chig Eidion Cymru eu cydnabod gan y Comisiwn Ewropeaidd trwy ennill statws prin Dynodiad Daearyddol Gwarchodedig (PGI).

Visit website
Porc Blasus

Mae Cymru’n enwog am gynhyrchu Cig Oen Cymru a Chig Eidion Cymru o safon, ond ddylen ni ddim anghofio am ein porc.

Visit website
Hwb Cig Coch

Mae'r Hwb Cig Coch yn cefnogi’r rhai sy’n gweithio mewn iechyd ac addysg trwy ddarparu adnoddau gwybodaeth a dysgu manwl ynghylch cig coch a maeth, diet cytbwys, tarddiad a diogelwch bwyd, prynu, storio, paratoi a choginio cig coch.

Visit website
Eat Welsh Lamb & Welsh Beef

Cafodd treftadaeth, cymeriad ac enw da unigryw Cig Oen Cymru a Chig Eidion Cymru eu cydnabod gan y Comisiwn Ewropeaidd trwy ennill statws prin Dynodiad Daearyddol Gwarchodedig (PGI).

Visit website
Porc Blasus

Mae Cymru’n enwog am gynhyrchu Cig Oen Cymru a Chig Eidion Cymru o safon, ond ddylen ni ddim anghofio am ein porc.

Visit website
Hwb Cig Coch

Mae'r Hwb Cig Coch yn cefnogi’r rhai sy’n gweithio mewn iechyd ac addysg trwy ddarparu adnoddau gwybodaeth a dysgu manwl ynghylch cig coch a maeth, diet cytbwys, tarddiad a diogelwch bwyd, prynu, storio, paratoi a choginio cig coch.

Visit website
Share

Mae prosiect peilot newydd sydd a’r nod o helpu cynhyrchwyr cig eidion i arbed arian yn chwilio am ffermwyr addas o Wynedd a Môn i gymryd rhan.

Bydd y prosiect - Datgarboneiddio Cig Eidion Cymru PGI - yn ystyried effaith pesgi gwartheg cig eidion o fewn cyfnod magu byrrach ar enillion y busnes, yn ogystal â’r effaith gadarnhaol ar y lefel o allyriadau nwyon tŷ gwydr a gaiff eu cynhyrchu.

Hybu Cig Cymru (HCC) sy’n arwain y gwaith hwn ac mae’n chwilio am hyd at 50 o ffermwyr i gymryd rhan. Mae’n rhaid i’r ffermydd fod wedi’u lleoli o fewn Ceredigion neu Sir Gaerfyrddin fel yr hysbysebwyd yn wreiddiol, gyda’r cyfle wedi’i ymestyn erbyn hyn i gynnwys busnesau cig eidion yng Ngwynedd a Môn hefyd.

Mae’r manteision i’r rhai fydd ynghlwm â’r gwaith yn cynnwys archwiliadau carbon a dadansoddiad ariannol rhad ac am ddim - dau weithgaredd a allai arwain at gynyddu enillion busnes y fferm. Yn ogystal, byddant yn cael eu cynnwys mewn cystadleuaeth am gyfle i ennill gwely a brecwast am noson gyda phryd nos yn un o westai pum-seren Cymru.

Er mwyn cydymffurfio â’r cyllid, a ddarperir gan Gronfa Her ARFOR, mae’n rhaid i’r cynhyrchwyr fod yn siaradwyr Cymraeg. Nod Cronfa Her ARFOR yw cryfhau’r berthynas rhwng yr economi a’r iaith Gymraeg yng ngogledd a gorllewin Cymru drwy gynnig grantiau ar gyfer atebion arloesol i heriau cymunedol.

Meddai Russ Thomas, Arweinydd Datblygu Polisi HCC: “Rydym eisoes yn gweithio gyda ffermwyr o Geredigion a Sir Gâr ar y prosiect, ac yn falch i fedru cynnig yr un cyfle i gynhyrchwyr cig eidion yng ngogledd-orllewin Cymru erbyn hyn hefyd. Pwrpas y gwaith yw datblygu effeithlonrwydd o fewn systemau cynhyrchu cig eidion yng Nghymru ac, yn y pen draw, helpu cynhyrchwyr i wneud mwy o arian.”

Y gobaith yw y bydd yn cael effaith gadarnhaol ar rannau eraill o’r gadwyn gyflenwi hefyd, fel yr eglura Russ: “Mae manwerthwyr a lladd-dai yn chwilio am gysondeb o ran maint da byw, a safoni rhwng toriadau. Gwerthiant y manwerthwyr a phatrymau prynu fydd y prif ddylanwad ar y fanyleb graddau targed a osodir gan y lladd-dy a’r prosesydd, a gall pwysau marw ysgafnach amrywio o 225kg i 400kg.”

Bydd cyfuniad o wybodaeth hanesyddol a chyfredol am y farchnad yn cael ei ddadansoddi ar gyfer y prosiect, ynghyd â data perfformiad y ffermydd sy’n cymryd rhan er mwyn cynnig senarios posibl i bob busnes.

Ychwanegodd Russ: “Drwy weithio gyda grŵp o 50 o ffermwyr, bydd y gwaith yn cynhyrchu gwybodaeth a chanlyniadau a fydd yn fanteisiol i’r diwydiant ehangach ledled Cymru. Mae’r rhain yn cynnwys cynhyrchu mwy o gig eidion Cymreig o’r ansawdd gorau gyda llai o wartheg ac allyriadau, gwella brand Cig Eidion Cymru PGI gyda thystiolaeth o gynaliadwyedd, a rhoi mwy o hyder i ddefnyddwyr yn y sector cig eidion.

“Wrth i’r sector cig coch ddod dan bwysau cynyddol i leihau allyriadau carbon a methan, mae’n bwysig ein bod hefyd yn ystyried ein harferion amgylcheddol. Bydd y prosiect yma’n ystyried y ddwy agwedd yma, gyda’r nod o sicrhau dyfodol proffidiol ar gyfer y sector.”

Am fwy o wybodaeth am y prosiect neu i gymryd rhan, cysylltwch â HCC ar 01970 625050 neu info@hybucig.cymru


You may also like

Hyrwyddo Cig Oen Cymru yn y Dwyrain Canol
Hyrwyddo Cig Oen Cymru yn y Dwyrain Canol
HCC yn cynnal gweminar ar ganfod a rheoli clefydau rhewfryn mewn defaid
HCC yn cynnal gweminar ar ganfod a rheoli clefydau rhewfryn mewn defaid
HCC yn targedu gweithwyr iechyd proffesiynol gyda gwybodaeth am gig coch
HCC yn targedu gweithwyr iechyd proffesiynol gyda gwybodaeth am gig coch
Uchafbwyntiau prisiau yn nodi blwyddyn fywiog ar gyfer cig oen a chig eidion
Uchafbwyntiau prisiau yn nodi blwyddyn fywiog ar gyfer cig oen a chig eidion