Cig oen sy’n cipio coron y Pasg
Mae Bwletin y Farchnad mis Mai yn edrych ar dueddiadau bwyta cig oen yn siopau Prydain yn ystod cyfnod y Pasg 2026.
Pwyntiau allweddol:
- Cafwyd cynnydd o 0.9% flwyddyn ar flwyddyn mewn gwerthiannau bwyd cartref ar ddechrau Ebrill eleni, tra bod chwyddiant bwyd wedi lleddfu ychydig i 3.8%, ei lefel isaf ers Ebrill 2025 (Worldpanel gan Numerator UK). Roedd defnyddwyr yn cael eu cymell yn fawr gan hyrwyddo.
- Perfformiodd cig coch cynradd yn sylweddol well na chyfanswm y categori siopau a’r categori Cig, Pysgod a Dofednod ehangach o ran twf gwerth a chyfaint, gan atgyfnerthu pwysigrwydd darnau rhostio a phrydau dathlu yn ystod cyfnod masnachu’r Pasg. Daeth cig oen i’r amlwg fel un o’r proteinau oedd yn sefyll allan, gyda chynnydd o 8.6% flwyddyn ar flwyddyn mewn cyfeintiau cig oen i’w rostio.
- Gan edrych ymlaen, bydd dathliadau yn parhau i gynnig cyfleoedd mewn perthynas ag achlysuron bwyta tymhorol, premiwm ac yn y cartref. Mae pwysau costau byw parhaus yn golygu y bydd defnyddwyr yn parhau i ystyried gwerth am arian, tra bod y cynnydd yn y diddordeb mewn cynnyrch protein uchel sydd heb ei brosesu’n ormodol, yn golygu bod cig oen yn ddewis atyniadol i eraill.
Am ddadansoddiad llawn o’r data, cliciwch YMA i ddarllen Bwletin y Farchnad mis Mai. Mae’r bwletin hefyd yn cynnwys crynodeb o brisiau gwartheg, defaid a moch yn ystod y mis.
