Cyfyngiadau cyflenwad yn parhau i gynnal marchnadoedd ŵyn
Mae Bwletin y Farchnad mis Mehefin yn rhoi cipolwg ar y sector defaid, gan ganolbwyntio ar dueddiadau cyfredol o ran cyflenwad, masnach a galw gan gwsmeriaid.
Pwyntiau allweddol:
- Mae prisiau ŵyn wedi parhau i berfformio’n gryf yn ystod hanner cyntaf y flwyddyn oherwydd cyfyngiadau cyflenwad a galw cadarn.
- Disgwylir i’r cyflenwad barhau’n gymharol dynn yn ystod ail hanner y flwyddyn, oherwydd llai o ŵyn.
- Mae’r galw am allforion yn parhau’n gefnogol, gan gyfrif am tua thraean o’r cynhyrchiad. Mae cyflenwadau tynnach mewn nifer o’r prif wledydd allforio yn helpu i gefnogi marchnadoedd cig dafad rhyngwladol.
- Wrth edrych ymlaen, bydd cynnal y gallu i gystadlu mewn marchnadoedd allforio, ynghyd â sicrhau bod defnyddwyr yn cydnabod ansawdd, manteision maethol ac amlbwrpasedd cig oen, yn hollbwysig.
I ddarllen y dadansoddiad llawn, cliciwch YMA i weld Bwletin Marchnad mis Mehefin. Mae hefyd yn cynnwys crynodeb misol o’r prisiau diweddaraf ar gyfer gwartheg, defaid a moch, ynghyd â chais am adborth darllenwyr ar y Bwletin. Rhowch wybod i ni beth hoffech i ni ei gynnwys yn y dyfodol drwy gwblhau’r holiadur byr yma: Holiadur Bwletin y Farchnad HCC Market Bulletin Survey 2026
